InfoHub Logo

2026 жылдың ақпан айында Қазақстанда тұрғын үйді сатып алу-сату мәмілелерінің саны өткен аймен салыстырғанда тағы 1,2 пайызға кеміді. Ал тек пәтерлерді есепке алсақ, бұл көрсеткіш 2,1 пайызға төмендеген. TengriHome журналистері жылжымайтын мүлік нарығындағы жағдай мен болашаққа қандай перспективалар бар екенін анықтады.

Бұл туралы Infohub.kz ақпарат агенттігі хабарлайды.

Ұлттық статистика бюросы (ҰСБ) ақпан айындағы тұрғын үйді сатып алу-сату мәмілелері туралы деректерді жариялады. Бұл көрсеткіш тіпті қаңтар айындағы азғантай сандардан да төмендеп кетті. Ел бойынша барлығы 27 421 тұрғын үй объектісі сатылған (қаңтарда – 27 745). Оның ішінде пәтерлер – 21 259 бірлік (қаңтарда – 21 725).

Алғашқы екі айдың жиынтық статистикасы (55 166 мәміле) 2025 жылғы (59 932 мәміле) және 2024 жылғы (62 247 мәміле) осы кезеңдермен салыстырғанда төмен. Бұған дейін өткен жылдың желтоқсан айында 53 128 мәміле жасалғаны белгілі. Ал қаңтар айында нарық 47,8 пайызға құлдыраған еді.

Неге жылжымайтын мүлікке сұраныс азайды?

Жылжымайтын мүлік бойынша маркетолог және сарапшы Александр Бикетовтің айтуынша, жоғары бағалар нарықтағы белсенділіктің төмендеуіне әкелетін басты факторлардың бірі болып отыр.

«Алматы мен Астана тұрғындарының көпшілігі 30-40 миллион теңге көлеміндегі баспана іздейді. Алайда, бастапқы нарықта мұндай сомаға жақсы жерде орналасқан сапалы тұрғын үйді табу қиын. Ал екінші нарықтағы сатып алуларды тек 14 банктің бесеуі ғана қаржыландыруға дайын. Мәмілелердің үштен бірі ипотека арқылы жүзеге асады. Бірақ пайыздық мөлшерлемелер өте жоғары. Осының салдарынан мәмілелер саны азаюда», - дейді Бикетов.

Сарапшының сөзінше, тұрғын үйдің қымбаттауына байланысты ипотекалық несие алудан гөрі, пәтер жалдау әлдеқайда тиімді болып тұр.

«Көшіп-қонушылар саны азайғанда, жалдау ақысы да төмендеді. Бірақ осы уақытта қайта қаржыландыру мөлшерлемесі тоғыз пайыздан 18 пайызға дейін өсіп, ипотекалық несиелердің құнына әсер етті. Осылайша, ипотекаға пәтер алу тиімсіз болып қалды. Потенциалды сатып алушылар жалдамалы тұрғын үйді таңдайды», - деп болжайды Александр.