InfoHub Logo

Қазгидромет синоптиктері 5 мамыр сейсенбі күні ел бойынша дауылды ескерту жариялады. Астанада күннің екінші жартысында жаңбыр мен найзағай күтіледі. Оңтүстік-батыстан соғатын жел солтүстік-батысқа ауысып, күндіз 15-20 м/с дейін жетеді.

Бұл туралы Infohub.kz ақпарат агенттігі хабарлайды.

Ақмола облысы

Батыс, солтүстік және орталық аудандарда жаңбыр мен найзағай болады. Оңтүстік өңірде күндіз жаңбыр мен найзағай күтіледі. Жел оңтүстік-батыстан солтүстік-батысқа ауысады. Батыс, солтүстік және шығыс жағында желдің екпіні 15-20 м/с жетеді. Кокшетауда жел оңтүстік-батыстан солтүстік-батысқа ауысып, 15-20 м/с дейін соғады.

Ақтөбе облысы

Түнде жаңбыр жауады, орталықта жаңбырдың қарқынды болуы ықтимал. Күндіз батыс, шығыс және орталық аудандарда жаңбыр күтіледі. Батыс және орталық бөліктерде найзағай мен бұршақ болуы мүмкін. Жел солтүстік-шығыстан соғады, күндіз оңтүстік жағында 15-18 м/с дейін жетеді.

Алматы облысы

Түнде және таңертең оңтүстік, шығыс және таулы аймақтарда жаңбыр мен найзағай болады. Солтүстік аудандарда өрт қаупі жоғары сақталады.

Атырау облысы

Түнде солтүстік және шығыс аудандарда жаңбыр мен найзағай күтіледі. Күндіз батыс, солтүстік және оңтүстік жағында жаңбыр мен найзағай болады. Солтүстік-батыста жаңбырдың қарқынды болуы, найзағай, бұршақ және шквал болуы ықтимал. Түнде және таңертең солтүстік пен шығыста тұман түсуі мүмкін. Жел солтүстік, солтүстік-шығыстан соғады, күндіз солтүстік, батыс және шығыс жағында 15-20 м/с дейін жетеді. Атырауда күндіз жаңбыр мен найзағай күтіледі.

Шығыс Қазақстан облысы

Батыс және солтүстік-батыс аудандарында жел батыстан, солтүстік-батыстан соғады, түнде және таңертең батыс пен оңтүстік жағында 15-20 м/с дейін жетеді. Түнде шығыс жағында 2 градусқа дейін аяз болуы мүмкін. Батыс және солтүстік-батыс аудандарында өрт қаупі жоғары.

Жамбыл облысы

Таулы аймақтарда жаңбыр мен найзағай болады. Түнде және таңертең таулы жерлерде тұман түсуі ықтимал. Жел солтүстік-шығыстан соғады, солтүстік-шығыс және таулы аймақтарда 15-20 м/с дейін жетеді. Орталық және солтүстік аудандарда, батыс жағында өрт қаупі жоғары.

Батыс Қазақстан облысы

Күндіз батыс және оңтүстік аудандарда жаңбыр мен найзағай күтіледі. Жел солтүстік-шығыстан соғады, күндіз оңтүстік жағында 15-20 м/с дейін жетеді.

Қарағанды облысы

Батыс, солтүстік және оңтүстік аудандарында өрт қаупі жоғары сақталады.

Қостанай облысы

Түнде батыс, солтүстік және шығыс аудандарында жаңбыр мен найзағай болады, қарқынды жаңбыр мен бұршақ болуы ықтимал. Күндіз солтүстік пен шығыста жаңбыр мен найзағай, бұршақ, шквал күтіледі. Түнде және таңертең солтүстік пен шығыста тұман түсуі мүмкін. Жел оңтүстік-батыстан солтүстік-батысқа ауысып, батыс, солтүстік және шығыс жағында 15-20 м/с дейін жетеді. Қостанайда түнде және таңертең жаңбыр мен найзағай болады.

Қызылорда облысы

Шығыс, оңтүстік және орталық аудандарда өрт қаупі жоғары сақталады.

Маңғыстау облысы

Батыс, солтүстік және орталық аудандарда жаңбыр мен найзағай күтіледі. Батыс және орталық аймақтарда тұман түсуі мүмкін. Жел солтүстік-батыстан оңтүстік-батысқа ауысып, күндіз батыс, солтүстік және орталық жағында 15-20 м/с дейін жетеді. Ақтауда түнде және таңертең тұман болады.

Абай облысы

Жел солтүстік-шығыстан оңтүстік-шығысқа ауысып, түнде және таңертең оңтүстік-батыс, шығыс және орталық аудандарда 15-20 м/с дейін жетеді. Түнде батыс және орталық жағында топырақ бетінде 1 градусқа дейін аяз болады. Солтүстік-батыс, шығыс, оңтүстік және орталық аудандарда өрт қаупі жоғары.

Жетісу облысы

Оңтүстік және таулы аймақтарда найзағай болуы ықтимал. Жел солтүстік-шығыстан соғады, солтүстік және шығыс жағында 15-20 м/с дейін жетеді. Батыс және солтүстік жағында өрт қаупі жоғары, оңтүстік-шығыс және оңтүстік жағында өрт қаупі өте жоғары, орталық бөлігінде өрт қаупі жоғары болады.

Ұлытау облысы

Шығыс және орталық аудандарда, оңтүстік жағында өрт қаупі жоғары сақталады. Жезқазғанда өрт қаупі жоғары.

Павлодар облысы

Күндіз солтүстік аудандарда жаңбыр мен найзағай күтіледі. Жел оңтүстік-батыстан соғады, күндіз солтүстік жағында 15-20 м/с дейін жетеді. Солтүстік, батыс және шығыс жағында өрт қаупі жоғары.

Солтүстік Қазақстан облысы

Түнде жаңбыр мен найзағай болады, күндіз батыс, солтүстік және шығыс аудандарда жаңбыр, найзағай, бұршақ, шквал күтіледі. Түнде және таңертең оңтүстік аймақта тұман түсуі мүмкін. Жел оңтүстік-батыстан соғады, түнде оңтүстік және шығыс жағында 15-20 м/с дейін жетеді, күндіз солтүстік, оңтүстік және шығыс жағында 15-20, кейде 25 м/с дейін жетеді. Батыс жағында өрт қаупі жоғары. Петропавлда жаңбыр мен найзағай, күндіз бұршақ пен шквал болады. Жел оңтүстік-батыстан соғады, күндіз 15-20 м/с дейін жетеді.

Түркістан облысы

Таулы аймақтарда қысқа мерзімді жаңбыр мен найзағай күтіледі. Жел оңтүстік-шығыстан соғады, таулы жерлерде 15-20 м/с дейін жетеді. Солтүстік аймақта өрт қаупі жоғары сақталады.