InfoHub Logo

Семі қаласындағы үйдің ауласына мойнына арнайы тағылған құрылғысы бар бұғы кіріп кетті. Жануарды полиция қызметкерлеріне тапсырды. Бұл туралы Infohub.kz ақпарат агенттігі хабарлайды.

Не болды?

Водный кентінің тұрғыны үйінің ауласынан мойнына арнайы тағылған құрылғысы бар бұғыны байқаған. Ол бұл туралы полицияға хабарлаған.

Неге бұл маңызды?

Абай облысының полиция департаментінің баспасөз қызметінің хабарлауынша, табиғатты қорғау полициясының инспекторлары дереу оқиға орнына келді.

Жануардың жағдайы

Тексеру барысында жануардың сібір бұғысының түріне жататыны анықталды. Бұғының денесінде ешқандай жарақат болмаған. Жануар адамдарға үйреніп қалған, бұл жабайы жануарларға тән емес. Мойнында арнайы тағылған құрылғысы, артқы тұяғында жазылып кеткен жараның ізі болған.

Мамандар жануарды адамдар күтіп баққан деген қорытындыға келді. Сондықтан оны Семей қаласының биологиялық орталығына берді, онда оған қажетті күтім жасалады.

Полиция жабайы жануарларды табиғи ортадан өз бетінше алып кету Қазақстан Республикасының заңнамасын бұзу болып табылатынын және заңмен белгіленген жауапкершілікке әкеп соғатынын ескертті.

Полиция қызметкерлері жараланған, әлсіреген немесе өзін қалыптан тыс ұстаған жабайы жануарлар табылған жағдайда құзырлы органдарға немесе 102 арнасына хабарлауды сұрайды.