InfoHub Logo

Шымкент қаласында жол қауіпсіздігін қамтамасыз ету мақсатында жүргізілген рейдтер барысында көптеген жүргізушілер көліктерінде аптечка, өрт сөндіргіш, авариялық тоқтау белгісі және жарық шағылыстыратын жилет сияқты маңызды құралдардың болмағаны үшін әкімшілік айыппұлдарға тартылды.

Бұл туралы Infohub.kz ақпарат агенттігі хабарлайды.

Рейдтер нәтижесінде анықталған бұзушылықтар

Жол инспекторларының рейдтік іс-шараларының алғашқы екі күнінде 3625 бұзушылық тіркелді. Бұл талаптардың орындалмауына байланысты қалада аталған қажетті құралдарға сұраныс күрт артты. Сұраныстың жоғарылауынан олардың бағасы да шарықтап кетті.

Бағаның өсуі және кәсіпкерлердің табысы

Шымкент тұрғыны Нұртаза Тойшиевтің айтуынша, бұрын 1000 теңгеге жуық тұратын қажетті жилеттің қазіргі бағасы 2,5-3 мың теңгеге дейін өскен. Ал аптечка, өрт сөндіргіш сияқты басқа да құралдардың бағасы одан да қымбаттаған. Рейдтер кәсіпкерлер үшін тиімді болды. Олардың айтуынша, бұрын бір айға жететін тауарлары бір күнде сатылып кеткен.

Сатушы Дияр Еркиновтың айтуынша, бағаның өсуіне рейдердің өзі себеп болған. Егер бұрын 1800 теңгеге сатып алған тауарды 200 теңге үстемеақымен 2000 теңгеге сатса, қазір сатып алу құны да, сату бағасы да артқан.