InfoHub Logo

Әнші Тамара Асардың жолдасы Бекмырза Жұмаш Айтжанұлының бұрынғы әйелі әлеуметтік желіде жазба жариялап, өз жағдайын баяндады. Ол бұрынғы күйеуінің ортақ балаларына қамқорлық жасамайтынын, тіпті олармен мүлде араласпайтынын айтып, шағымданды.

Бұл туралы Infohub.kz ақпарат агенттігі хабарлайды.

Әкелік міндетін атқармайды

Бұрынғы әйелдің айтуынша, Бекмырза Жұмаш Айтжанұлы кәмелетке толмаған балаларының оқу ақысын төлеуден бас тартып, табысын жасырып, соттасып жүр. Ол 2012 жылы іргетасы қаланған «Завод Астық» кәсіпорнының 2014 жылы ашылғанын, сол кезде өзінің заңды некеде болғанын атап өтті. Алайда сегіз жылдан кейін күйеуі басқа әйелге кетіп, бүкіл бизнесті өзімен бірге алып кеткен.

«Менің некемде ол осы бизнесті құрды, марқұм некесіз туған ұлына өз тегін берді, мен оны 11 жастан 18 жасқа дейін тәрбиеледім, екінші некесінен туған үлкен қызын қамтамасыз етті. Ал қазір ол аты-жөнін өзгертіп, біздің ортақ балаларымызбен мүлде араласпайды. Балаларына білім, медицина және басқа да қажеттіліктер үшін ешқандай көмек көрсетпейді», – деп жазды ол.

Алимент мәселесі

Әйелдің сөзінше, ажырасуға күйеуі өзі арыз беріп, оны 40 жасқа таяғанда табыссыз қалдырған. Зауыттағы жалақысын алиментке алмастырғанымен, бұл қаражат балаларға лайықты білім алуға жетпейді. Ол балалардың әкесінің зауыттан түсетін табысына сай алимент алуға толық құқылы екенін айтты.

«Маған бұл туралы айту ұят емес – керісінше, өздерін үлгілі етіп көрсететін, бірақ шын мәнінде балаларына жеткілікті көңіл бөлмейтін отбасы ұялуы керек. Олар шетелде демалып, қымбат киімдер мен көліктер алады, мейрамханаларда тамақтанады. Бірақ бұл – менің балаларымның ақшасы. Өз балаларыңның бақытын басқа балалардың есебінен құра алмайсың», – деп түйіндеді ол.