InfoHub Logo

АҚШ-тың Техас штаты Meta компаниясын WhatsApp қолданушыларын алдады деп айыптап, сотқа берді. Бұл туралы Telegram мессенджерінің негізін қалаушы Павел Дуров өзінің арнасында мәлімдеді.

Бұл туралы Infohub.kz ақпарат агенттігі хабарлайды.

Дуровтың айтуынша, WhatsApp қызметкерлері қолданушылардың жеке хабарламаларының көбіне қол жеткізе алады. Ол WhatsApp негізін қалаушының "қолданушылардың құпиялылығын саттым" деген сөздерін еске алып, бұл жағдайдың астарында үлкен алдау жатқанын меңзеді.

Техас штатының талаптары

Техас штатының бас прокуроры Кен Пэкстонның мәлімдеуінше, компания WhatsApp-тың шифрлау шараларының сенімділігі мен ауқымы туралы тұтынушыларды жаңылыстырған. "WhatsApp өз қызметтерін қауіпсіз және шифрланған деп жарнамалайды, бірақ бұл уәделер орындалмайды", - деді Пэкстон.

Штат билігі Meta және WhatsApp компанияларына Техастағы қолданушылардың келісімінсіз хабарламаларына қол жеткізуге тыйым салуды және айыппұл салуды талап етеді. Бұл талаптар БАҚ-тағы Meta компаниясының WhatsApp хабарламаларына қол жеткізе алатыны туралы және басқа да деректерге қатысты ақпараттарға негізделген.

Meta компаниясының жауабы

Meta өкілі Энди Стоун соттағы айыптаулардың жалған екенін және WhatsApp қолданушылардың шифрланған хабарламаларына қол жеткізе алмайтынын мәлімдеді. Алайда, Техас прокуратурасы бұған дейін Google сияқты ірі компанияларға да деректер құпиялылығын бұзғаны үшін талап-арыз берген болатын.