InfoHub Logo

АҚШ долларының теңгеге шаққандағы бағамы күрт өсіп, елдегі экономикалық жағдайға алаңдаушылық тудыруда. Сарапшылар алдағы уақытта да теңгенің әлсірей беретінін болжап отыр.

Бұл туралы Infohub.kz ақпарат агенттігі хабарлайды.

Теңге неге құнсызданып барады?

Сәуір айының соңында Ұлттық Банктің сауда-саттығында доллар 457 теңге болса, қазіргі таңда KASE биржасындағы сауда сессиясында американдық валютаның орташа сараланған бағамы 475,63 теңгеге дейін көтерілді. Айырбастау пункттерінде жағдай одан да қызу. Түске дейін Астанада долларды сатудың ең жоғары бағамы 477 теңгені, Алматыда 478 теңгені құрады.

Ұлттық Банктің ресми бағамы әзірге 472,48 теңге деңгейінде сақталып тұрғанымен, ертеңгі күні реттеушінің биржалық нарықтағы жағдайға байланысты бағаны жаңартуға мәжбүр болатыны анық. Сарапшылардың басым көпшілігі теңгенің әлсізденуі жалғасатынына сенімді.

Болжамдар қандай?

Бір жылдық мерзімде сарапшылар долларды 500-555 теңге аралығында көріп отыр. Мысалы, Halyk Finance компаниясы жыл соңына дейін доллардың 540 теңгеге жететінін болжайды. Экономистер жағдайдың дамуына қатысты үш сценарийді қарастырады:

Иран факторы

Әлемдік нарықтағы басты интрига қазір Иран төңірегінде өрбіп отыр. Егер Тегеран мен Вашингтон бейбіт келісімге келсе, ирандық мұнай нарыққа ағылады. Бұл Brent маркалы мұнай бағасының төмендеуіне, ал соған ілесе теңге бағамының құнсыздануына әкелуі ықтимал.

АҚШ пен Иран 60 күндік бітім және Ормуз бұғазын ашу мәселесі бойынша жасырын келіссөздер жүргізіп жатқаны белгілі. АҚШ президенті Дональд Трамп келісімнің дайын екенін мәлімдегенімен, тараптар кім бірінші қадам жасайтыны туралы пікірталасқа түскен. Иран бұғазды минадан тазарту алдында 12 миллиард долларды босатуды талап етсе, АҚШ Тегераннан байытылған уранды кәдеге жаратуды күтуде.