InfoHub Logo

Freedom Holding Corp. бас директоры, миллиардер Тимур Турлов АҚШ-тың бағалы қағаздар және биржалар комиссиясынан (SEC) ресми ескерту хабарламасын алды. Бұл туралы Bloomberg агенттігі хабарлады.

Бұл туралы Infohub.kz ақпарат агенттігі хабарлайды.

Wells Notice деп аталатын бұл хабарлама, АҚШ-тың қаржы реттеушісінің Турловқа қатысты құқықтық шаралар қолдануы мүмкін екенін білдіреді. Компанияның жылдық қаржылық есебінде көрсетілгендей, бас директор бұл хабарламаны 11 наурызда алған. SEC 2021 жылдан бері компанияға, оның жетекшілері мен директорлар кеңесінің мүшелеріне сұрақтар қойып келеді.

Тергеудің басты бағыттары

SEC-тің сұрақтары негізінен институционалдық клиенттермен, маркет-мейкерлермен қарым-қатынас және ішкі операцияларды есепке алу мәселелеріне қатысты болып отыр. Компания мен Тимур Турлов SEC-тің бұл «алдын ала қорытындысын» жоққа шығаратынын мәлімдеген. Алайда, Freedom Holding өкілі бұл мәселеге қатысты қосымша түсініктеме беруден бас тартты, ал SEC тарапынан әзірге ресми жауап жоқ.

Айта кетейік, Wells Notice ресми айып тағылу болып саналмайды және заң бұзушылық болғанын білдірмейді.