InfoHub Logo

Шахмат әлеміндегі даулы мәселелердің бірі – қазақстандық шахматшы Бибисара Асаубаеваның қаржыландырылуына қатысты жаңалықтар жалғасуда. Спортшының анасы Лиана Танжарикова Тимур Турловтың үш жыл бұрын қызын қаржыландырудан бас тартқанын айтты. Алайда, Қазақстан шахмат федерациясы бұл мәлімдеменің мән-жайын түсіндіріп, өз жауабын берді.

Бұл туралы Infohub.kz ақпарат агенттігі хабарлайды.

«Мен миллиардер емеспін»

Лиана Танжарикованың айтуынша, үш жыл бұрын Тимур Турлов Бибисара Асаубаеваны қаржыландырудан бас тартқан. Ол кезде команда төрт жылға арналған ұсыныс дайындап, барлық қаржылық міндеттемелер мен тәуекелдерді жазған. Егер жеңіс әкелмесе, барлық қаражатты қайтаруға дайын болған.

«Екі аптадан кейін Тимур Русланович Бибисарамен жеке кездескісі келді. Лондон қаласындағы жеке кездесуде ол: «Сара, бір нәрсені түсінуің керек: мен миллиардер емеспін, барлық ақша компаниянікі, сондықтан мен саған бас тартамын», - деді», - деп келтіреді Танжарикова.

Алайда, бұған қарамастан, Бибисара федерацияға енген. Кейіннен, әлеуметтік желілерде спортшыға бөлінетін қаржы мөлшері туралы сөздер тарады. Кейбір мәліметтер бойынша, бұл сома 800 мың доллардан асқан.

Федерацияның жауабы

Қазақстан шахмат федерациясы бұл соманы жоққа шығарып, Бибисараның жалақы алмайтынын, тек жеңістері үшін ғана сыйақы алатынын мәлімдеді. Федерацияның жылдық бюджеті шамамен 10 миллион долларды құрайды. Танжарикованың айтуынша, төрт жылға арналған 388 миллион теңгенің салықтан кейінгі сомасы шамамен 278 миллион теңгеге тең. Бұл қаражаттың бір бөлігі жалақы емес, жаттықтырушыларға төленетін ақы.

Федерацияның мәліметінше, Бибисара Асаубаева құрама ойыншылары арасында ең көп қолдау алатын спортшы. 2023-2026 жылдар аралығында оған шамамен 388 миллион теңге бөлінген. Бұл сома гранттар мен нәтижелер үшін берілетін сыйақыларды қамтиды.

«Қазақстандағы шахмат – бұл ондаған мың балалар, ата-аналар, жаттықтырушылар, педагогтар және кәсіпқой спортшылар қатысатын үлкен республикалық жүйе. 2025 жылдың қорытындысы бойынша қазақстандық шахматшылар 162 медаль, оның ішінде 64 алтын медаль жеңіп алды. Бүгінгі таңда Федерацияның жылдық бюджеті 5 миллиард теңгеден асады. Сонымен қатар, барлық спортшылар арасында ең көп қаржылық қолдауды Бибисара Асаубаева алады – 2023-2026 жылдарға арналған бұл шамамен 388 миллион теңге», - деп хабарлады федерация.

Федерацияның негізгі демеушісі – Freedom Holding Corp. Қаражат тек спортшыларға ғана емес, турнирлерге, құрама команданы даярлауға, жаттықтырушыларға және елдегі шахматты дамытуға бағытталады. Асаубаева жеңістері үшін сыйақылар мен Sport Qory қоры сияқты басқа да көздерден қосымша қолдау алады.