InfoHub Logo

Қазақстандықтарды алдап, ақшасын иемденіп келген Украинадағы алаяқтардың әрекеті тоқтатылды. Ішкі істер министрлігінің мәліметінше, арнайы операция барысында 160-тан астам отандасымыз зардап шеккен.

Бұл туралы Infohub.kz ақпарат агенттігі хабарлайды.

Украинадағы алаяқтық колл-орталықтардың жолы кесілді

Биыл 31 наурызда Қазақстан Ішкі істер министрлігі Украина полициясымен бірлесіп, ауқымды арнайы операция жүргізді. Бұл операцияның нәтижесінде Украинаның Днепр қаласында орналасқан, қазақстандықтарды алдап келген үш алаяқтық колл-орталықтың жұмысы тоқтатылды.

53 шетел азаматы ұсталды

Арнайы операция кезінде барлығы 53 шетел азаматы ұсталып, оның 8-і қамауға алынды. Тергеу жұмыстары жалғасуда.

Келтірілген шығын өтеледі

ҚР ІІМ Киберқылмысқа қарсы іс-қимыл департаментінің бастығы Жандос Сүйінбайдың айтуынша, жүргізілген жұмыстың қорытындысы бойынша 160-тан аса қазақстандық жәбірленуші анықталды. Оларға келтірілген шығын Украина сот шешімімен қайтарылатын болады. Министрлік алдағы уақытта да бірқатар шет мемлекеттермен осындай бірлескен арнайы операцияларды жалғастыратынын мәлімдеді.