InfoHub Logo

Белгілі сазгер Ұлықпан Жолдасов 60 жасқа толуына орай жұмыс орнында мерейтойын атап өтті. Алайда, мерекелік сәтте торттағы шамдарды үрлеп өшіруден бас тартқан сазгердің бұл әрекеті әлеуметтік желіде қызу талқыланды.

Бұл туралы Infohub.kz ақпарат агенттігі хабарлайды.

Тортты үрлеуден бас тартты

Мерейтойға келген әріптестері мен достары Ұлықпан Жолдасовқа арнайы торт әкеліп, тілектерін білдірген. Алайда, сазгер отты үрлеуге болмайтынын бірнеше рет ескертіп, бұл дәстүрден бас тартты. Кейіннен, құттықтаушылардың бірінің ұсынысымен, ол шамдарды қолмен сөндірді. Бұл сәтті бейнеге түсіріп алған жұртшылық, оны желіде таратты.

Желідегі пікірталас

Сазгердің бұл әрекеті әлеуметтік желі қолданушылары арасында түрлі пікір тудырды. Кейбіреулер мұны мәдениетті қадам деп бағаласа, енді біреулер 60 жасқа торттың қажеті шамалы екенін, одан да басқаша құрмет көрсетуге болатынын айтты. «Отты үрлеп өшірмегені дұрыс, бұл – мәдениетті қадам», – деп жазды бір желі қолданушысы.