InfoHub Logo

25 مامىر — سوڭعى قوڭىراۋ (11 سىنىپ | قۇلاقتىن ءۇنىڭ كەتپەستەي، سىڭعىرلا، سوڭعى قوڭىراۋ)

1-جۇرگىزۋشى: ارمىسىزدار، قۇرمەتتى ۇستازدار مەن وقۋشىلار!

2-جۇرگىزۋشى: قايىرلى كۇن، ءقادىرلى اتا-انالار مەن قوناقتار!

1-جۇرگىزۋشى:

وزىڭمەنەن ولشەۋسىز نارقىم مەنىڭ، اسقار تاۋ، ارقا تۇتار التىن بەلىم. ۇيادان ۇرپاعىڭدى ۇشىرماققا قوش كەلدىڭ، اينالايىن، حالقىم مەنىڭ!

2-جۇرگىزۋشى:

كەشە عانا تۇلىمدارى جەلبىرەپ، جۇرەكتەرى لۇپىلدەپ، مەكتەپ قابىرعاسىن يمەنە اتتاعان ۇل-قىزدارىمىز ويى تولىپ، بويى ءوسىپ، التىن ۇيا مەكتەبىمەن قوشتاسقالى وتىر.

1-جۇرگىزۋشى:

جاس جۇرەكتىڭ ومىرلىك قۇشتارى گۇل، باعبان ۇستاز باۋلىعان قۇستارى بۇل. قوشتاسىپ بۇگىنگى كۇن ۇياسىنان، سول قۇستاردىڭ ءبىر توبى ۇشقالى تۇر، — دەپ التىن ۇيا مەكتەبىنىڭ تابالدىرىعىنان ۇلكەن ومىرگە ۇشقالى وتىرعان مەكتەپ ءبىتىرۋشى تۇلەكتەرىمىزدى قۇرمەتتەپ ورتاعا شاقىرامىز. قارسى الىڭىزدار!

(مۋزىكا اۋەنىمەن ورتاعا ءبىتىرۋشى تۇلەكتەر شىعادى)

1-جۇرگىزۋشى:

الدارىڭىزدا 11ا سىنىپ وقۋشىلارى. سىنىپ جەتەكشىسى جۇماعالييەۆا ريمما عينيات قىزى. سىنىپتا 39 وقۋشى.

2-جۇرگىزۋشى:

الدارىڭىزدا 11ب سىنىپ وقۋشىلارى. سىنىپ جەتەكشىسى اجعالييەۆا گۇلنۇر زەيىن قىزى. سىنىپتا 14 وقۋشى.

1-جۇرگىزۋشى:

20**-20** وقۋ جىلىنىڭ اياقتالۋ قۇرمەتىنە ارنالعان "قۇلاقتان ءۇنىڭ كەتپەستەي، سىڭعىرلا، سوڭعى قوڭىراۋ" اتتى سالتاناتتى جيىنىمىزدى اشىق دەپ جاريالايمىز.

2-جۇرگىزۋشى:

باتىرلىققا ۋىزىنان جارىعان ەر قازاقتى جالاۋىنان تانىعان. ءوزى باتىر، ءوزى ءانشى حالىققا جاراسادى جىگەر بەرەر ءانۇران. قازاقستان رەسپۋبليكاسىنىڭ ءانۇرانى ورىندالسىن.

1-جۇرگىزۋشى:

قازەكەم قوناق دەسە كوسىلەدى، مۇندايدا جاي ءتۇيىنى شەشىلەدى. اق تىلەۋلى ىرىس قوي قوناق دەگەن وزىمەن الا كەلەر نەسىبەنى، – دەمەكشى بۇگىنگى سالتاناتتى جيىنىمىزدىڭ ءقادىرلى قوناقتارىمەن تانىس بولىڭىزدار:

1. قوناق 1
2. قوناق 2
3. قوناق 3

2-جۇرگىزۋشى:

بۇگىنگى كۇن ارداگەر ۇستازدارىمىز دا ورتامىزدا:

1. ۇستاز 1
2. ۇستاز 2
3. ۇستاز 3

1-جۇرگىزۋشى:

بيىلعى سوڭعى قوڭىراۋ مەرەكەسى تاريحي وقيعالارعا تولى تۇستا وتكەلى تۇر:

• بۇل جىل — قازاقستان رەسپۋبليكاسىنىڭ تاۋەلسىزدىگىنىڭ 20 جىل تولۋىمەن ەرەكشەلەنەدى.
• بۇل جىل – قازاقستان رەسپۋبليكاسى پرەزيدەنتىنىڭ قازاقستان حالقىنا «بولاشاقتىڭ ىرگەسىن بىرگە قالايىق!» اتتى جولداۋى جاريالانعان جىل.
• بۇل جىل – Vءىى قىسقى ازيادا ويىندارىنىڭ ەلىمىزدە وتكەن جىلى.
• بۇل جىل – «ەۋروپالىق قاۋىپسىزدىك ىنتىماقتاستىق ۇيىمىنىڭ» ءسامميتىنىڭ وتكەن جىلى.
• بۇل جىل – ەلباسىمىز ن.ءا.نازاربايەۆتىڭ كەزەكتەن تىس سايلاۋدان ءوتىپ پرەزيدەنتتىككە قايتا سايلانعان جىلى.

2-جۇرگىزۋشى:

اجىراماي مەكتەپتەن ءبىر ەلى ءسىز، جاقسىلىققا جارالعان جۇرەگىڭىز. ءسوز بەرەلىك قۇرمەتپەن وزىڭىزگە، شاكىرتتەرگە ارنالسىن تىلەگىڭىز، — دەي وتىرىپ، سوڭعى قوڭىراۋ سالتاناتىنىڭ العاشقى قۇتتىقتاۋ ءسوزى مەكتەپ باسشىسى تالپاحوۆ البەرت اسقارۇلىنا بەرىلەدى.

1-جۇرگىزۋشى:

ارمان ويلار جەتكىزبەگەن اڭساعان، قايرات-كۇشىن قاجىتا الماس قارسى اعىن. ءومىر تەڭىز تولقىندارىن كورگەندە اسىل اعا تىلەگىڭدى اڭسارمىن، — دەمەكشى بۇگىنگى سالتاناتتى جيىنىمىزدىڭ قۇرمەتتى قوناقتارىنا ءسوز بەرەمىز:

1. قوناق 1
2. قوناق 2
3. قوناق 3

2-جۇرگىزۋشى:

ارمان دۇيسەنوۆتىڭ ءانى: «ۇستازىم » ور: كابير اسەم

1-جۇرگىزۋشى:

ابزال جاندار بيىك تۇلعا بايسالدى، قۇشاق جايىپ ءتول مەرەكەڭ قارسى الدى. تۇلەكتەرگە جارقىن تىلەك ءبىلدىرىپ، قۇتتىقتايدى بۇلدىرشىندەر بارشاڭدى، — دەپ، قۇتتىقتاۋ كەزەگى ءبىرىنشى سىنىپ بۇلدىرشىندەرىنە بەرىلەدى.

2-جۇرگىزۋشى:

جاقسى شاكىرت ازامات اتانادى، حالقىنان اتا-انادان باتا الادى. ۇرپاعىنا ايتسىن دەپ اق تىلەگىن، ورتاعا شاقىرايىق اتا-انانى. ءسوز كەزەگى قۇرمەتتى دە ءقادىرلى اتا-انالارىمىز اتىنان ساعىنعالييەۆا گۇلنازدىڭ اناسى يمانعالييەۆا گۇلنار اپايعا بەرىلەدى.

1-جۇرگىزۋشى:

ءالى ەسىمدە الىپپەنى اشقانىم ەسىمىڭدى ەستە مانگى ساقتادىم جۇرەگىمە نۇرىن قۇيعان جىلىلىق كورگەن ەمەس ەشقاشاندا سۋىنىپ – دەپ، تۇلەكتەردىڭ العاشقى ۇستازى ءارى ارداگەر ۇستازىمىز يششاقوۆا شىناسىل امانقىزىنا ءسوز بەرىلەدى.

2-جۇرگىزۋشى:

جيىنىمىز ءوتىپ جاتىر سالتاناتتى، توگىلگەن كۇن نۇرىنىڭ شاپاعاتى مىڭ بۇرالىپ بيشىلەر بي بيلەيدى، حالايىق قول سوعىڭىز مارحابباتتى، — دەمەكشى، مەكتەبىمىزدىڭ ءبيشى قىزدارىنىڭ ورىنداۋىنداعى «قازاق ءبيىن» قابىل الىڭىزدار!

1-جۇرگىزۋشى:

ۇرپاقسىز شاكىرتتەرگە ب ا ق كەلگەن بە؟ باپكەرسىز تۇلپارلارعا باپ كەلگەن بە؟ ون ءبىر جىل سىنىبى ءۇشىن جانىن سالعان، ءسوز كەزەگى — جەتەكشى باپكەرلەردە دەپ، كەلەسى ءسوز كەزەگى ۇلاعاتتى ۇستاز، تۇلەكتەردىڭ سىنىپ جەتەكشىسى جۇماعالييەۆا ريمما عينياتقىزىنا بەرىلەدى.

2-جۇرگىزۋشى:

بۇگىنگى كۇن – التىن ۇيا مەكتەبىن ءبىتىرىپ، قياعا قانات قاعاتىن جاس تۇلەكتەر ءۇشىن ەڭ ءبىر قىمبات، ەڭ ءبىر قيماس، ەڭ ءبىر ۇمىتىلماس جۇرەك تەبىرەنتەرلىك ءسات! وسى ءساتتى پايدالانىپ، ءبىتىرۋشى تۇلەكتەرىمىزگە مادەنيەت دەمالىس ورتالىعىنىڭ ادىسكەرى تاقايەۆ تاۋاسيح پەن تاربيە جۇمىستار ورتالىعىنىڭ شاحمات ۇيىرمەسىنىڭ جەتەكشىسى جۇماعازييەۆ بەكجان ءوز لەبىزدەرىن جولدايدى.

(مۋزىكا اۋەنىمەن سىيلىقتار، ديپلومدار تابىس ەتىلەدى.)

1-جۇرگىزۋشى:

مەكتەپ ماڭى تولىپتى جاراسىمعا، ىزگىلىك تە، مەيىرىم ءبارى وسىندا. ومىرگە قانات قاقتى جاس ورەندەر، اسىل ارمان گۇل اتىپ ساناسىندا– دەپ جۇرەكتەرى ءلۇپىل قاققان، قيماستىق پەن قۋانىش، اڭساۋ مەن ارمان سەزىمدەرى ارالاسقان، وسىناۋ ساتتە شاكىرتتىك ءساتتىڭ سوڭعى، ءومىر جولىنىڭ العاشقى قادامىندا تۇرعان جاس تۇلەك، ەندىگى ءسوزدى سەندەرگە بەرەمىز.

(11-سىنىپتاردىڭ مەرەكەلىك باعدارلاماسى: وتەنوۆ ەرنار — قۇتتىقتاۋ ءسوز؛ ءان «ۇستازدارعا»-يبرايەۆ اڭسار؛ ارناۋ — حاپپار داراجات؛ قوشتاسۋ ءۆالسى — تۇلەكتەر)

2-جۇرگىزۋشى:

الدارىڭنان ارمان جولى اشىلادى. تۇلەكتەرگە باقىت گ ۇلى شاشىلادى. قيماستىقپەن 11ء-دىڭ التىن كىلتىن ءىزىن باسار سىنىپقا تاپسىرادى، — دەپ، ءبىلىمنىڭ التىن كىلتىن ءبىتىرۋشى تۇلەك، «التىن بەلگى» ۇمىتكەرى گايسينا باقىت 10-سىنىپ وقۋشىسى، وقۋ وزاتى سەيسەكەنوۆ نۇربولاتقا تاپسىرادى.

(مۋزىكا اۋەنىمەن)

1-جۇرگىزۋشى:

سوڭعى قوڭىراۋ. قىمباتتى مەكتەپ ءبىتىرۋشى تۇلەكتەر! العاش قولىڭا گۇل شوعىن الىپ، مەكتەپ تابالدىرىعىن اتتاعاننان بەرى 20 مىڭنان اسا قوڭىراۋ ءۇنىن ەستىدىڭدەر. ال بۇگىنگى قوڭىراۋ ءۇنى ەرەكشە. ول مەكتەپپەن قوشتاسار سوڭعى قوڭىراۋ. ول بالالىق شاقتىڭ ءومىر بەلەسىنە اسىراتىن قوڭىراۋ.

گۇلدەرگە تولى ومىراۋ، ومىردە جوق قوي توقىراۋ. قيماستىق سەزىم وياتىپ، سوعىلسىن سوڭعى قوڭىراۋ.

2-جۇرگىزۋشى:

سوڭعى قوڭىراۋ سوعۋ سالتاناتى 11 سىنىپ وقۋشىلارى بۇيراشيەۆ اسلان مەن تاڭاتاروۆا گۇلايىمعا تاپسىرىلادى.

/قوڭىراۋ سوعىلادى، ءدۇر — ءدۇرس سوققان جۇرەك ءلۇپىلى ەستىلىپ تۇرادى/

1-جۇرگىزۋشى:

كوگەرشىندەي سامعاڭدار، تۇلەكتەرىم، ورىندالسىن ومىردە تىلەكتەرىڭ. ۇنىمەن سوڭعى ەستىگەن قوڭىراۋدىڭ. دىرىلدەدى — اۋ ەرەكشە جۇرەكتەرىڭ.

2-جۇرگىزۋشى:

بۇل سوڭعى قوڭىراۋ ءۇنى… بالالىقپەن قوشتاسۋ، ۇلكەن ومىرمەن قاۋىشۋ ءۇنى. ومىردە ءىلبىپ، تەك كوشپەي، جۇرەتىن سەرگەك جول مىناۋ. قۇلاقتان ءۇنىڭ كەتپەستەي، سىڭعىرلا، سوڭعى قوڭىراۋ، سىڭعىرلا، سوڭعى قوڭىراۋ! – دەپ مەكتەپ تۇلەكتەرىن جاڭا ءومىر باسپالداعىنا شىعارىپ سالامىز.

1-جۇرگىزۋشى:

قوشتاسادى التىن ۇيا مەكتەبىڭ ماڭدايىڭنان سيپاپ وتەر كوكتە كۇن. «ءسات — ساپار» دەپ قول بۇلعايمىز ءبارىمىز تىلەيمىز ءبىز ارماندارعا جەتكەنىن — دەي كەلە، ۇلتتىق ءبىرىڭعاي تەستتى تابىستى تاپسىرۋلارىڭىزعا تىلەكتەسپىز. جاڭا ومىرلەرىڭىزگە اق جول، ءسات ساپار تىلەيمىز!

1-جۇرگىزۋشى:

وسىمەن 20**-20** وقۋ جىلىنىڭ سالتاناتتى سوڭعى قوڭىراۋ جيىنىن جابىق دەپ جاريالاي وتىرىپ، جازعى دەمالىستى جاقسى وتكىزىپ، كەلەسى وقۋ جىلىندا اماندىقپەن جولىققانشا ساۋ-سالاماتتا بولىڭىزدار.

25 مامىر سەناريي، 25 مامىر سوڭعى قوڭىراۋ سەناريي، سوڭعى قوڭىراۋ سەناريي