ادامزاتقا ءۇش وسيەت
ىلگەرىدە وتە اقىلدى ءارى دانا ءبىر پاتشا ءومىر ءسۇرىپتى. ول اجالى جاقىنداپ، ومىردەن وتەتىنىنە كوزى جەتكەن شاعىندا بالالارى مەن ۋازىرلەرىنە مىناداي ءۇش وسيەت قالدىرىپتى:
1. مەنى جەرلەۋگە الىپ شىققاندا دەنەمدى ءقابىر باسىنا دەيىن تەك دارىگەرلەرىم عانا كوتەرىپ اپارسىن؛
2. دەنەمدى الىپ شىققاندا مىنا جاتقان جەرىمنەن كورىمە دەيىن التىن-كۇمىس تەڭگەلەر شاشىپ وتىرىڭدار؛
3. ەكى قولىمدى كەبىننەن شىعارىپ، سالبىراتىپ، اشىلعان كۇيدە قالدىرىڭدار.
پاتشا وسيەتىن مۇقيات تىڭداعان باس ءۋازىر وعان بارلىق وتىنىشتەرىنىڭ ورىندالاتىنىن جەتكىزىپ، ولاردىڭ ءمانىن ءتۇسىندىرۋىن وتىنەدى. سوندا پاتشا تەرەڭ كۇرسىنىپ: «وسى كۇندەرى ءبىر نارسەگە كوزىم تولىق جەتۋدە. ارتىمدا قالعاندارعا سونى ساباق رەتىندە قالدىرىپ كەتكىم كەلەدى!
ءبىرىنشى وسيەتىم - ادامعا ءولىم ناقتى كەلەتىن بولسا، ءتىپتى قاسىنداعى مىقتى دارىگەرلەردىڭ ءوزى ودان قۇتقارىپ قالا المايتىنىن ءارى ءومىر مەن دەنساۋلىق ەشبىر ادامنىڭ قولىندا ەمەس ەكەنىن ءتۇسىندىرۋ ەدى.
ەكىنشىسى – مال-دۇنيە جيناپ شارشاعان ۋاقىتتارىمىز بەكەرگە كەتكەن ەكەن، ءسۇيىپ وتكەن التىن-كۇمىسىمىزگە دەيىن ارتىمىزدا شاشىلىپ قالادى ەكەن دەگەن شىندىقتى ۇعىندىرۋ.
ءۇشىنشىسى – ومىرگە كەلگەندە قولىمىز بوس بولىپ ەدى، كەتىپ بارا جاتقاندا دا ءدال سولاي بوس كۇيىندە اتتانادى ەكەن دەگەن اقيقاتتى ەسكە سالۋ!»، - دەگەن ەكەن.
You Might Also Like
-
اقش-تىڭ مونتانا شتاتىندا تۋريستەرگە ارنالعان "ۆاگون ءقوناقۇي" بار ەكەن. سىرتىنان قاراساڭىز قاراپايىم ءقوناقۇي، ال ءىشىن كورسەڭىز تاڭ قالاسىز. تومەندە سۋرەتتەرى:
-
جاستارعا موتيۆاسيا رەتىندە، تاريحقا ءۇڭىلىپ، 20 جاسىندا قازاق زيالىلارى قانداي قاسيەتتەرىمەن ەرەكشەلەنىپ، نەندەي جەتىستىكتەرگە قول جەتكىزگەنى جايىندا قىسقاشا اقپارات.
