BI Group قۇرىلىس حولدينگىنىڭ نەگىزىن قالاۋشى، كاسىپكەر ايدىن راحيمبايەۆ Instagram-دا شىعىس قازاقستان وبلىسىنداعى تۋعان اۋىلى ق ۇلىنجون مەكتەبىندەگى وزگەرىستەر تۋرالى اڭگىمەلەدى. ونىڭ ايتۋىنشا، بۇرىن جارتىلاي بوس تۇرعان ءبىلىم ورداسى ءقازىر نازاربايەۆ ۋنيۆەرسيتەتىنە تۇسەتىن تۇلەكتەر شىعارادى، مەكتەپ جانىنان ينتەرنات پەن سپورت كەشەنى اشىلدى، ال ورىن جەتپەي قالدى، دەپ حابارلايدى infohub.kz سايتى.
بىرنەشە جىل بۇرىن سامار اۋدانىنداعى ق ۇلىنجون اۋىلىنىڭ مەكتەبىندە كۇردەلى جوندەۋ جۇرگىزىلدى. الايدا ءبىلىم ساپاسى تومەن كۇيىندە قالدى: كوپتەگەن سىنىپتار ارتتا قالىپ، بىلىكتى مۇعالىمدەر جەتىسپەدى. سوندا راحيمبايەۆ جاڭا ديرەكتور ىزدەي باستادى.
مەكتەپتى باسقارۋعا سول كەزدە رەسپۋبليكالىق فيزيكا-ماتەماتيكا مەكتەبىنىڭ (رفمم) ءتوراعاسىنىڭ ورىنباسارى قىزمەتىن اتقارىپ جۇرگەن ارالبەك بەرىك ۇلى كەلىستى.
«جىلى ورنىن تاستاپ، اۋىلعا نەگە بارۋ كەرەك؟ ءبىراق ول كىشكەنتاي اۋىل مەكتەبىن كوتەرۋگە باردى. وسىمەن ول مەنى ءبىرىنشى رەت تاڭقالدىردى»، — دەپ جازدى كاسىپكەر.
راحيمباەۆتىڭ ايتۋىنشا، ءۇش جىل ىشىندە ديرەكتور مەكتەپتىڭ جۇمىسىن قايتا قۇرىپ، وقىتۋ دەڭگەيىن كوتەردى جانە بالالارعا بىلىمدەرىن تولىقتىرۋعا كومەكتەستى. بۇرىن اعىلشىن ءتىلىن بىلمەيتىن وقۋشىلار نازاربايەۆ ۋنيۆەرسيتەتىنە تۇسە باستادى. حالىقارالىق IELTS اعىلشىن ءتىلى ەمتيحانىنىڭ ورتاشا بالى 6،0-گە جەتتى.
كەلىسىمشارت اياقتالعاندا، بەرىك ۇلى اۋىلدا قالۋدى شەشتى. كاسىپكەر ونىڭ سوزدەرىن كەلتىردى:
«بىلەسىز بە، مەن قالۋدى شەشتىم. مۇندا ماعان مۇعالىمدەر، اتا-انالار، ەڭ باستىسى – بالالار سەندى. مەن ولاردى تاستاي المايمىن».
ۋاقىت وتە كەلە بۇرىن جارتىلاي بوس بولعان مەكتەپكە ورىن جەتپەي قالدى. راحيمباەۆتىڭ ايتۋىنشا، بۇل ونى اكىمدىكپەن بىرگە مەكتەپ جانىنان ينتەرنات پەن سپورت كەشەنىن سالۋعا يتەرمەلەدى. ەندى مۇندا باسقا اۋدانداردان كەلگەن دارىندى وقۋشىلار مەن مۇعالىمدەر تۇرا الادى.
جاڭا عيماراتتاردىڭ اشىلۋىنا بۇكىل اۋىل شاقىرىلدى. ءبىر داستارقان باسىندا 400 ادام – بالالار، اتا-انالار جانە پەداگوگتەر جينالدى. بيزنەسمەن سونداي-اق جەرلەستەرىمەن جانە سىنىپتاستارىمەن كەزدەستى.
«مەكتەپ قايتادان اۋىلدىڭ جۇرەگىنە، بالالار مەن ەرەسەكتەر تارتىلاتىن ورىنعا اينالدى»، — دەپ جازدى راحيمبايەۆ.
جازبانى ول مۇعالىمدەر كۇنىنە ارناپ، پەداگوگتەرگە ەڭبەگى ءۇشىن العىس ايتتى.
ايدىن راحيمبايەۆ — BI Group قۇرىلىس حولدينگىنىڭ نەگىزىن قالاۋشى جانە ماجوريتارلىق اكسيونەرى. Forbes ونىڭ بايلىعىن 1،1 ملرد دوللارعا باعالاپ، ەڭ باي قازاقستاندىق كاسىپكەرلەر تىزىمىندە توعىزىنشى ورىنعا قويادى.
بۇعان دەيىن «كۋرسيۆ» ايدىن جانە انار راحيمباەۆتار The Giving Pledge حالىقارالىق باستاماسىنا قوسىلىپ، بايلىقتارىنىڭ جارتىسىنان استامىن قايىرىمدىلىققا جۇمساۋعا مىندەتتەنگەنىن جازعان.