اقمولا وبلىسىنىڭ تۇرعىنى جانۋارعا قاتىگەزدىك كورسەتىپ، ءيتتىڭ ولىمىنە اكەپ سوقتىرعانى ءۇشىن قوعامدىق جۇمىسقا تارتىلدى، دەپ حابارلايدى infohub.kz سايتى.
اقمولا وبلىسى سوتتارىنىڭ رەسمي Telegram-ارناسىندا جازىلعانداي، جاقسى اۋداندىق سوتى قىلمىستىق كودەكستىڭ 316-بابىنىڭ 2-بولىگىمەن — جانۋارعا قاتىگەزدىك كورسەتىپ، ونىڭ ولىمىنە اكەپ سوقتىرعانى ءۇشىن ايىپتالعان ادامعا قاتىستى قىلمىستىق ءىستى قارادى.
ءىس ماتەريالدارىنا سايكەس، جاقسى اۋدانىنىڭ تۇرعىنى تانىسىنىڭ اۋلاسىندا ازاماتتىق نەكەدەگى ايەلىن ءيتتىڭ اياعىنان تىستەپ العانىن بىلگەن. اشۋلانعان ەر ادام بالتا الىپ، تانىسىنىڭ ۇيىنە بارعان دا، ءيتتى شاقىرىپ الىپ، ونىڭ باسىنا ەكى رەت سوققى جاساعان.
مالدارىگەر-ماماننىڭ قورىتىندىسى بويىنشا، يت العان جاراقاتتارىنان ولگەن.
سوتتا ەر ادام كىناسىن مويىنداپ، جاساعانىنا وكىندى. ونىڭ كىناسى ءيتتىڭ يەسىنىڭ، كۋالاردىڭ ايعاقتارىمەن، ساراپتاما قورىتىندىسىمەن، وقيعا ورنىن قاراۋمەن، بەينەجازبامەن جانە ءىستىڭ باسقا دا ماتەريالدارىمەن راستالدى.
جازا تاعايىنداۋ كەزىندە سوت كىنانى مويىنداۋ مەن وكىنۋدى، سونداي-اق سوتتالۋشىنىڭ م ۇلىكتىك جاعدايىن — ول جۇمىس ىستەمەيتىنىن — جەڭىلدەتەتىن ءمان-جايلار رەتىندە ەسكەردى.
جابىرلەنۋشى تاراپ ازاماتتىق تالاپ قويماعان. سوت ۇكىمىمەن وعان 100 ساعات قوعامدىق جۇمىسقا تارتۋ تۇرىندەگى جازا تاعايىندالدى.
ۇكىم زاڭدى كۇشىنە ەندى.