پورتۋگاليالىق شابۋىلشى كريشتيانۋ رونالدۋ وينايتىن ساۋد ارابياسىنىڭ «ال-ناسرى» ازيا فۋتبول كونفەدەراسياسىنىڭ ەليتالىق چەمپيوندار ليگاسىندا بىرىككەن اراب امىرلىكتەرىنىڭ «ال-اينىنان» سىرت الاڭدا 4:0 ەسەبىمەن ويسىراي جەڭىلدى، دەپ حابارلايدى infohub.kz سايتى.
جالپى كەزەڭنىڭ ءبىرىنشى تۋرىنداعى ماچ ال-اينداعى «تاحنۋن بين موحامەد» ستاديونىندا ءوتىپ، الاڭ يەلەرىنىڭ پايداسىنا 4:0 ەسەبىمەن اياقتالدى.
ءدۋبلدى 25ء-شى جانە 63ء-شى مينۋتتاردا كوزگە تۇسكەن حۋسسين راحيمي جاسادى. تاعى ءبىر گولدى ماروككولىق تاعى ءبىر شابۋىلشى سۋفيان راحيمي سوقتى (72ء-شى مينۋت). قورىتىندى ەسەپتى گرەك شابۋىلشىسى گەورگيوس ياكۋماكيس بەلگىلەدى (85ء-شى مينۋت).
قوناقتاردىڭ پورتۋگاليالىق شابۋىلشىسى كريشتيانۋ رونالدۋ نەگىزگى قۇرامدا الاڭعا شىعىپ، كاپيتان تاڭباسىمەن بۇكىل ماچتى وينادى.
«ال-اين» ءۇش ۇپاي جيناپ، قوسىمشا كورسەتكىشتەر بويىنشا باتىس كونفەرەنسياسىنىڭ كەستەسىندە كوش باستادى. «ال-ناسر» سوڭعى، 16-شى ورىندا تۇر.
15 قىركۇيەكتەگى ەليتالىق ازيا چەمپيوندار ليگاسىنداعى ويىن كۇنىنىڭ تولىق ناتيجەلەرى:
«راچابۋري» (تايلاند) — «شانحاي پورت» (جۇڭگو). 4:6
«تەدجون حانا سيتيزەن» (وڭتۇستىك كورەيا) — «كيوتو سانگا» (جاپونيا). 1:0
«گامبا وساكا» (جاپونيا) — «كونگان حانوي» (ۆەتنام). 4:1
«كاسيما انتلەرس» (جاپونيا) — «نيۋكاسل دجەتس» (اۆستراليا). 7:1
«دجوحور دارۋل تازيم» (مالايزيا) — «بۋريرام يۋنايتەد» (تايلاند). 1:1
«بەيسزين گوان» (جۇڭگو) — «پحوحان ستيلەرس» (وڭتۇستىك كورەيا). 3:1
«ال-اين» (ءباا) — «ال-ناسر» (ساۋد ارابياسى). 4:0
«ال-حيليال» (ساۋد ارابياسى) — «ال-گارافا» (كاتار).
جالپى كەزەڭنىڭ سەگىز تۋرىنىڭ قورىتىندىسى بويىنشا ەليتالىق ازيا چەمپيوندار ليگاسىنىڭ پلەي-وففىنا باتىس جانە شىعىس كونفەرەنسيالارىنان سەگىز ۇزدىك كوماندادان شىعادى.