قاراعاندىدا پوليسيا قىزمەتكەرلەرى التىن بۇيىمدارعا قاتىستى الاياقتىققا كۇدىكتىنى ۇستادى، دەپ حابارلايدى infohub.kz سايتى.
اقمولا وبلىسى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، اقكول اۋدانىندا كريمينالدىق پوليسيا ءبولىمىنىڭ قىزمەتكەرلەرى 1،5 ملن تەڭگەدەن استام سوماعا التىن اشەكەيلەرگە قاتىستى الاياقتىقتى اشتى. تەرگەۋ نۇسقاسى بويىنشا، ساتۋشىنى ساتىپ الۋدى تولەگەنىنە سەندىرۋگە تىرىسقان كۇدىكتى قاراعاندىدا ۇستالدى.
ءتارتىپ ساقشىلارى انىقتاعانداي، ەر ادام زەرگەرلىك بۇيىمدار ساتىلاتىن ساۋدا نۇكتەسىنە كەلىپ، قوسالقىسى بار ەكى التىن شىنجىردى تاڭداعان. ساتۋشى بانك قوسىمشاسى ارقىلى شوت قويعان. ساتىپ الۋشى تولەم جاساعانىن كورسەتىپ، سودان كەيىن اشەكەيلەردى الىپ كەتكەن.
الايدا كوپ ۇزاماي اقشا ساتۋشىنىڭ شوتىنا تۇسپەگەنى انىقتالدى. ايەل دەرەۋ پوليسياعا جۇگىندى.
كريمينالدىق پوليسيا قىزمەتكەرلەرى بەينەباقىلاۋ كامەرالارىنىڭ جازبالارىن زەرتتەپ، كۇدىكتىنىڭ جەكە باسىن انىقتادى. ول شورتاندى اۋدانىنىڭ 34 جاستاعى تۇرعىنى بولىپ شىقتى. وقيعادان كەيىن ەر ادام جاسىرىنعان.
ودان ءارى جۇمىس بارىسىندا پوليسەيلەر بۇل فاكت جالعىز ەمەس بولۋى مۇمكىن ەكەنىن انىقتادى. الدىن الا مالىمەتتەر بويىنشا، كۇدىكتى الماتى جانە قاراعاندى وبلىستارىنداعى وسىعان ۇقساس الاياقتىقتارعا قاتىسى بار. انىقتالعان فاكتىلەر بويىنشا جالپى زالال شامامەن 15 ملن تەڭگەنى قۇرايدى.
جەدەل-ىزدەستىرۋ ءىس-شارالارىنىڭ ناتيجەسىندە كۇدىكتى قاراعاندىدا ۇستالدى. قازىرگى ۋاقىتتا پوليسەيلەر وقيعانىڭ بارلىق ءمان-جايىن انىقتاپ، ونى باسقا دا وسىعان ۇقساس قىلمىستارعا قاتىستىلىعىن تەكسەرۋدە.
سونداي-اق، جابىرلەنۋشىگە ۇرلانعان التىن بۇيىمداردى قايتارۋعا باعىتتالعان قاجەتتى شارالار جۇرگىزىلۋدە.
تەرگەۋ قورىتىندىسى بويىنشا ءتيىستى پروسەسسۋالدىق شەشىم قابىلدانادى.