امەريكالىق «ۆاشينگتون كەپيتالز» كلۋبىندا وينايتىن رەسەيلىك حوككەيشى الەكساندر وۆەچكين ۇلتتىق حوككەي ليگاسىنداعى (نحل) مانسابىن اياقتايتىنىن مالىمدەدى. بۇل تۋرالى infohub.kz سايتى حابارلايدى.
«ۆاشينگتون كەپيتالز» كلۋبىنىڭ Instagram پاراقشاسىندا الەكساندر وۆەچكيننىڭ مالىمدەمەسى جاريالاندى. وندا ول اعىمداعى ماۋسىم نحل-دەگى سوڭعى ماۋسىمى بولاتىنىن جەتكىزدى. اتاقتى حوككەيشى بۇل شەشىمگە وتباسىمەن بىرگە كەلگەن.
«مەن بۇل ويىندى قاتتى جاقسى كورەمىن، ءبىراق جۇرەگىمنىڭ تۇكپىرىندە بۇل دۇرىس شەشىم ەكەنىن بىلەمىن. بۇل مالىمدەمەنى العاشقى ءۇي ويىنىمىزدىڭ الدىندا جاساعانىم ماڭىزدى بولدى، سوندىقتان ويىنعا كەلگەندەردىڭ بارلىعىنا، مەن ءۇشىن جانە وتباسىم ءۇشىن اسا قىمبات بولعان، قۋانىشتى كۇندەردە دە، اۋىر جەڭىلىستەردە دە قولداۋ كورسەتكەن جاندارعا العىس ايتۋعا مۇمكىندىگىم بار. ولارسىز ومىرىمدەگى بارلىق جەتىستىككە جەتە الماس ەدىم. مەن دە، كوماندالاستارىم دا وسى ماۋسىمعا قۋانىپ وتىرمىز جانە ونى ەرەكشە ەتۋ ءۇشىن قولدان كەلگەننىڭ ءبارىن جاسايمىز. وتباسىممەن، ۇلدارىممەن، جانكۇيەرلەرىمىزبەن جانە حوككەي مانسابىمنىڭ ءبىر بولىگى بولعان بارلىق اداممەن وتكىزگەن ءار ساتتەن ءلاززات الامىن»، — دەدى وۆەچكين.
ەسكە سالايىق، 2025 جىلى وۆەچكين ءنحل-دىڭ تۇراقتى چەمپيوناتتارىنداعى گول سانى بويىنشا اڭىزعا اينالعان گرەتسكيدىڭ ۇزاق ۋاقىت «ماڭگىلىك» سانالعان رەكوردىن جاڭارتقان ەدى. ال بيىل ول حوككەي تاريحىنداعى ۇزدىك سنايپەر دەپ تانىلدى.