رەسەي پرەمەر-ليگاسىنىڭ (رپل) 2026/27 ماۋسىمىنىڭ بەسىنشى تۋرىندا ماسكەۋدىڭ «سپارتاگى» ءوز الاڭىندا سانكت-پەتەربۋرگتىڭ «زەنيتىن» 2:0 ەسەبىمەن جەڭدى، دەپ حابارلايدى infohub.kz سايتى.
كەزدەسۋ ماسكەۋدەگى «لۋكويل ارەنادا» ءوتتى. 13-مينۋتتا-اق «زەنيتتىڭ» كولۋمبيالىق جارتىلاي قورعاۋشىسى ۆيلمار بارريوس دوپتى ءوز قاقپاسىنا باعىتتاپ جىبەردى، ال 39-مينۋتتا «سپارتاكتىڭ» رەسەيلىك جارتىلاي قورعاۋشىسى رومان زوبنين ءۇي يەلەرىنىڭ باسىمدىعىن ەكى ەسە ارتتىردى.
ماچ سوڭىندا قوناقتار از قۇرامدا قالدى: 88-مينۋتتا رەسەيلىك شابۋىلشى ماكسيم گلۋشەنكوۆ ەكى سارى قارتا الىپ، الاڭنان قۋىلدى.
قازاقستان قۇراماسىنىڭ قورعاۋشىسى نۇرالى ءالىپ كەزدەسۋدى قوسالقى قۇرامدا باستادى، ءبىراق 57-مينۋتتا الاڭعا شىقتى. وزىنە بەرىلگەن ۋاقىت ىشىندە ول ءتارتىپ بۇزۋشىلىق جاسامادى جانە 26 پاس بەردى، ونىڭ 23ء-ى ءدال بولدى.
بۇل جەڭىستەن كەيىن «سپارتاك» 12 ۇپاي جيناپ، تۋرنير كەستەسىندە ەكىنشى ورىنعا كوتەرىلدى، تەك ماكسيمالدى 15 ۇپايى بار «كراسنوداردان» عانا قالىپ وتىر. ۇزدىك ۇشتىكتى ماسكەۋدىڭ سسكا كومانداسى (11) تۇيىندەيدى. توعىز ۇپايى بار «زەنيت» ءتورتىنشى ورىندا تۇر.