«ايدالا مۋناي» مۇناي كومپانياسىنىڭ ديرەكتورى جانيا ساندىباي 2025 جىلى 1،5 ملن تەڭگە كولەمىندە سىياقى العان، بۇل ايىنا شامامەن 125 مىڭ تەڭگەنى قۇرايدى. وتكەن جىلى ونىڭ تابىسى ءسال جوعارى — 1،6 ملن تەڭگە بولعان، دەپ حابارلايدى infohub.kz سايتى.
كومپانيانىڭ ەسەپتىلىگىنە سايكەس، 2025 جىلى ونىڭ شىعىنى 5،4 ملن تەڭگەگە جەتكەن. «ايدالا مۋناي» حولدينگتىك قۇرىلىم بولىپ تابىلادى جانە نيدەرلاندتىق «كەرنحەم ب.ۆ.» كومپانياسى ارقىلى «ادا ويل» مۇناي ءوندىرۋشى كاسىپورنىنداعى 25% ۇلەسكە يە. كومپانيانىڭ مەنشىكتى وپەراسيالىق قىزمەتى جوق.
ءوز كەزەگىندە، «ادا ويل» اقتوبە وبلىسىنىڭ مۇعالجار جانە تەمىر اۋداندارى اۋماعىندا ورنالاسقان «باشەنكول» مۇناي-گاز كەن ورنىن يگەرۋدە.
2025 جىلدىڭ سوڭىندا «ايدالا مۋناي» اكسيالارىنىڭ 50% رۋستام دوسانوۆقا، تاعى 50% ەركەن دجانتايلاقوۆقا تيەسىلى بولعان. رۋستام دوسانوۆ — «قازترانسويل» بۇرىنعى باسشىسى جانە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ كەنجە قىزى اليا نازارباەۆانىڭ جۇبايى ديماش دوسانوۆتىڭ اعاسى (قايىن اعاسى).
2024 جىلى ءبىرقاتار ب ا ق اليا نازارباەۆا مەن ديماش دوسانوۆتىڭ اجىراسۋى تۋرالى حابارلاعان، الايدا بۇل اقپاراتتىڭ رەسمي راستاۋى بولماعان.