الماتىنىڭ المالى اۋدانىندا پوليسيا قىزمەتكەرلەرى ەكى ەر ادامدى ۇستادى. ولاردان بەلگىسىز زات سالىنعان ورامالار، ەلەكتروندىق تارازى جانە شامامەن 240 گرامم ۇنتاق تاركىلەندى، دەپ حابارلايدى infohub.kz سايتى.
NUR.KZ اگەنتتىگى قالالىق پوليسيا دەپارتامەنتىنە سىلتەمە جاساپ حابارلاعانداي، الدىمەن المالى اۋدانىندا ءبىر ەر ادام ۇستالعان. ونىڭ پاتەرىنەن شامامەن 240 گرامم ۇنتاق تاركىلەنگەن.
«سول جەردەن تاعى 50 دايىندالعان وراما، ەلەكتروندىق تارازى، ءتۇرلى-تۇستى يزولەنتا مەن قولعاپ تابىلدى. تەرگەۋ نۇسقاسى بويىنشا، بۇل جيناق تىيىم سالىنعان زاتتى قاپتاۋعا قولدانىلۋى مۇمكىن»، — دەلىنگەن حابارلامادا.
بىرنەشە كۇننەن كەيىن سول اۋداندا پوليسەيلەر تاعى ءبىر كۇدىكتىنى ۇستادى.
«ونىڭ قاسىنان اق ءتۇستى زات سالىنعان 48 وراما تابىلدى. تاركىلەنگەن زات ساراپتاماعا جىبەرىلدى. ەكى دەرەك بويىنشا قىلمىستىق ءىس قوزعالدى. كۇدىكتىلەر قاماۋعا الىندى. تەرگەۋ زاتتاردىڭ شىعۋ تەگىن جانە بولعان وقيعانىڭ بارلىق ءمان-جايىن انىقتاپ جاتىر»، — دەپ قوستى پوليسيادا.
بۇعان دەيىن الماتىدا ءتىنتۋ كەزىندە قالتاسىنان 53 كۇدىكتى وراما تابىلعان ەر ادام ۇستالعانى حابارلانعان. قىلمىستىق ءىس قوزعالدى.