الماتىدا اۆتوبۋس جۇرگىزۋشىسى جول قوزعالىسى ەرەجەسىن بۇزىپ، باسقا جۇرگىزۋشىگە ادەپسىز ىم جاساعانى ءۇشىن جاۋاپكەرشىلىككە تارتىلدى. بۇل تۋرالى infohub.kz سايتى حابارلايدى.
Threads الەۋمەتتىك جەلىسىندەگى Almaty.official اككاۋنتىندا الماتىلىق تۇرعىننىڭ اۆتوبۋس جۇرگىزۋشىسىنىڭ ادەپسىز مىنەز-قۇلقىنا شاعىمدانعان ۆيدەو جاريالاندى. اۆتوردىڭ ايتۋىنشا، جۇرگىزۋشى ونى قيىپ ءوتىپ، ەسكەرتۋ جاساعاندا كەشىرىم سۇراۋدىڭ ورنىنا ورتاڭعى ساۋساعىن كورسەتكەن.
جاريالانىمدا: "الماتىلىق اۆتوبۋس جۇرگىزۋشىلەرىنىڭ جولدا ءوزىن قالاي ۇستايتىنىنىڭ ايقىن مىسالىن كورسەتتى. اۆتوردىڭ ايتۋىنشا، جۇرگىزۋشى ونى قيىپ ءوتىپ، ەسكەرتۋدەن كەيىن كەشىرىم سۇراماي، ادەپسىز ىم جاساعان. پوست اۆتورى جاعدايعا ازىلمەن قاراعانىمەن، جۇرگىزۋ مادەنيەتىن ەشكىم جويماعانىن اتاپ ءوتتى"، - دەلىنگەن.
الماتى پوليسيا دەپارتامەنتى جاريالانىمعا تۇسىنىكتەمە بەردى. الەۋمەتتىك جەلىلەردى مونيتورينگتەۋ بارىسىندا مارشرۋتتىق اۆتوبۋس جۇرگىزۋشىسىنىڭ جول قوزعالىسى ەرەجەسىن بۇزعانى كورسەتىلگەن ۆيدەو انىقتالدى. تەكسەرۋ ناتيجەسىندە جۇرگىزۋشىنىڭ جەكە باسى انىقتالدى. 1970 جىلى تۋعان جۇرگىزۋشىگە قاتىستى اكىمشىلىك شارا قولدانىلدى. سونداي-اق ونىمەن بولاشاقتا مۇنداي بۇزۋشىلىقتارعا جول بەرمەۋ تۋرالى پروفيلاكتيكالىق اڭگىمە جۇرگىزىلدى.