الماتىدا №7 قالالىق كلينيكالىق اۋرۋحانانىڭ دارىگەرلەرى مۇمكىن ەمەس ءىستى تىندىردى: توعىزىنشى قاباتتان قۇلاعان 34 جاستاعى ايەلدى امان الىپ قالدى. ناۋقاس كومادا جانە تراۆماتيكالىق شوك جاعدايىندا تۇسكەن ەدى، ءبىراق دارىگەرلەردىڭ كۇشىنىڭ ارقاسىندا ول اياعىمەن اۋرۋحانادان شىعا الدى، دەپ حابارلايدى infohub.kz سايتى.
الماتى قوعامدىق دەنساۋلىق ساقتاۋ باسقارماسىنىڭ مالىمەتىنشە، ايەل شۇعىل تۇردە اۋرۋحاناعا جات قىزىلدى. دارىگەرلەر وعان اۋىر باس-مي جاراقاتى، كەۋدە قۋىسىنىڭ اۋىر زاقىمدانۋى، قابىرعالاردىڭ كوپتەگەن سىنۋى، سونداي-اق پنەۆموتوراكس پەن گەموتوراكس دياگنوزىن قويدى. سونىمەن قاتار، جامباس سۇيەكتەرىنىڭ، ورتان جىلىكتەردىڭ جانە توقپان جىلىكتىڭ سىنۋى انىقتالدى. جاعدايى وتە اۋىر دەپ باعالاندى، ءولىم ءقاۋپى جوعارى بولدى.
جەدەل جاردەم كولىگىندە-اق دارىگەرلەر ينتۋباسيا جاساپ، شوكقا قارسى تەراپيانى باستادى. اۋرۋحانادا ايەلگە بارلىق قاجەتتى شۇعىل كومەك كورسەتىلدى. ونى ەمدەۋ ءۇشىن مۋلتيديسيپلينارلىق كوماندا قۇرىلدى، ونىڭ قۇرامىنا انەستەزيولوگ-رەانيماتولوگتار، تراۆماتولوگتار، نەيروحيرۋرگتەر، حيرۋرگتەر، تەراپەۆتەر، كارديولوگتار، پسيحولوگتار جانە پسيحياترلار كىردى.
ناۋقاسقا جوعارعى جانە تومەنگى اياقتارعا بىرنەشە وپەراسيا جاسالدى. ەكى تاۋلىكتەن كەيىن دارىگەرلەر جامباس سۇيەكتەرىنە وپەراسيا جاسادى. ەمدەۋدىڭ بارلىق كەزەڭدەرىندە ترومبوەمبوليا جانە مايلى ەمبوليا سياقتى اسقىنۋ ءقاۋپى جوعارى بولدى. دەگەنمەن، تۇسكەننەن كەيىن جەتىنشى تاۋلىكتە ايەلدى اياعىنا تۇرعىزا الدى، ال تاعى ءۇش كۇننەن كەيىن ونى قاناعاتتانارلىق جاعدايدا اۋرۋحانادان شىعاردى. ەندى وعان امبۋلاتوريالىق ەم جانە وڭالتۋ قاجەت.
بۇعان دەيىن «كۋرسيۆ» ناۋقاس قۇتقارىلعان №7 قالالىق كلينيكالىق اۋرۋحانادا ءقازىر كۇردەلى جوندەۋ ءجۇرىپ جاتقانىن حابارلاعان بولاتىن. وعان قاراماستان، اۋرۋحانا ادەتتەگى رەجيمدە جۇمىس ىستەپ جاتىر.