الماتىدا جاڭا بيزنەس-يدەيالاردى جۇزەگە اسىرۋعا ارنالعان مەملەكەتتىك گرانتتار كونكۋرسىنىڭ ءبىرىنشى كەزەڭىنىڭ قورىتىندىسى شىعارىلدى. قارجىلىق قولداۋدى حالىقتىڭ الەۋمەتتىك وسال توپتارىنا جاتاتىن قالانىڭ 164 تۇرعىنى الادى، دەپ حابارلايدى infohub.kz سايتى.
وتىنىمدەر 2026 جىلعى 24 ماۋسىم مەن 8 شىلدە ارالىعىندا قابىلداندى. بارلىعى مەملەكەتتىك قولداۋعا 377 ادام ءوتىنىم بەردى. وتىنىمدەردى قاراۋ 13-21 شىلدە ارالىعىندا ءوتتى.
ءبىر گرانتتىڭ مولشەرى 400 اەك-كە دەيىن، ياعني 1،73 ملن تەڭگەگە تەڭ. بۇل قاراجات كاسىپكەرلىك جوبالاردى ىسكە قوسۋعا جانە دامىتۋعا ارنالعان.
ماقۇلدانعان باعىتتاردىڭ ىشىندە – ازىق-ت ۇلىك ءوندىرىسى، قوعامدىق تاماقتاندىرۋ، كيىم تىگۋ، قولدان جاسالعان بۇيىمدار جاساۋ، اۆتوسەرۆيس، سۇلۋلىق يندۋسترياسى، جيھاز ءوندىرىسى، كلينينگ جانە تۇرمىستىق قىزمەتتەر. سونداي-اق ءبىلىم بەرۋ، مەديسينا جانە الەۋمەتتىك قىزمەتتەر، IT، سيفرلىق تەحنولوگيالار، قۇرىلىس جانە جوندەۋ سالالارىنداعى جوبالار قولداۋ تاپتى.
جەڭىمپازداردىڭ كوپشىلىگى كوپبالالى وتباسىلاردىڭ وكىلدەرى – گرانتتاردى 103 ادام الادى. تاعى 28 الۋشى ەرەكشە قاجەتتىلىكتەرى بار ادامدار، 27ء-سى ەرەكشە قاجەتتىلىكتەرى بار بالالاردى تاربيەلەپ وتىر. جەڭىمپازدار قاتارىنا اسىراۋشىسىنان ايىرىلعان ازاماتتار مەن اتاۋلى الەۋمەتتىك كومەك الۋشىلار دا ەندى.
وتىنىمدەردى قاراۋ ناتيجەلەرى قاتىسۋشىلاردىڭ business.enbek.kz پورتالىنداعى جەكە كابينەتتەرىنە جىبەرىلدى.