الماتىدا قالا كەڭىستىكتەرىن زاماناۋي ءارى ىڭعايلى ەتۋ جۇمىستارى جالعاسۋدا. المالى اۋدانىندا پانفيلوۆ كوشەسىنىڭ جىبەك جولى داڭعىلىنان رايىمبەك داڭعىلىنا دەيىنگى بولىگى جاڭارتىلىپ، الماتى-2 ۆوكزالىنا باراتىن جاياۋ جۇرگىنشىلەر باعىتى ۇزارتىلدى، دەپ حابارلايدى infohub.kz.
جوبا «حالىق قاتىساتىن بيۋدجەت» باعدارلاماسى اياسىندا اۋدان اكىمدىگىنىڭ قولداۋىمەن جۇزەگە اسىرىلدى. المالى اۋدانىنىڭ اكىمى ارمان ءشامشيننىڭ ايتۋىنشا، كوشەنىڭ قالاي بولۋىن تۇرعىنداردىڭ ءوزى داۋىس بەرىپ، بىلدىرگەن. جۇمىس بارىسىندا تروتۋار برۋسچاتكامەن جابىلىپ، جارىقتاندىرۋ ءۇشىن ەكى شاقىرىمنان استام كابەل جەلىلەرى تارتىلىپ، 18 مىڭعا جۋىق بۇتا وتىرعىزىلدى.
سونىمەن قاتار اۋداندا چايكوۆسكي كوشەسىنىڭ قازىبەك بي مەن ايتەكە بي كوشەلەرىنىڭ ارالىعىنداعى بولىگى كوركەيتىلدى. مۇندا دا «حالىق قاتىساتىن بيۋدجەت» تەتىگى قولدانىلىپ، كوگالداندىرۋ جاڭارتىلدى، اۆتوماتتى سۋارۋ جۇيەسى، جاڭا جابىن، كولەڭكەلى شاتىرلار مەن پەرگولا ورناتىلدى، زاماناۋي جارىقتاندىرۋ مونتاجدالىپ، كابەل جەلىلەرى تارتىلدى. تاريحي عيماراتتاردىڭ قاسبەتتەرىن جاڭعىرتۋ جالعاسىپ، بيىل 60 ءۇيدى جاڭارتۋ جوسپارلانعان.
«كەلەشەك-51» پيك ءتورايىمى ەلەنا كراسنوۆسكايا ناتيجەگە ريزاشىلىعىن ءبىلدىردى: «تۇرعىندار وتە ريزا. ويتكەنى مۇنداي جاڭارۋ. ايتاتىن ەشتەڭە جوق. ءوزىڭىز كورىپ تۇرسىز، ءيا، ۇيگە قاراپ تۇسىنۋگە بولادى. اسىرەسە، جوندەۋگە دەيىن جانە جوندەۋدەن كەيىنگى كورىنىس بار. سونىمەن قاتار بونۋس رەتىندە نوسەر كارىزى جۇرگىزىپ، جىلىتۋ كابەلىن ورناتتى».