الماتى تۇرعىنى كورشىسىنىڭ 9 جاسار ۇلىن زورلاعانىن مالىمدەدى. كورشى بالانى الداپ، ءوز پاتەرىنە كىرگىزگەن. بۇل تۋرالى infohub.kz سايتى حابارلايدى.
قۇقىق قورعاۋشى ءلاززات راقىشەۆا Threads الەۋمەتتىك جەلىسىندەگى پاراقشاسىندا الماتىداعى 9 جاسار بالانىڭ اناسىنىڭ شاعىمى تۋرالى جازدى. «بۇگىن Human Rights Lawyers قورىنا ءبىر ايەل كەلدى. كەشە تۇستەن كەيىن، مەكتەپتەن سوڭ، تۇسكى ءۇزىلىس كەزىندە ونىڭ 9 جاسار ۇلى كورشىسىنىڭ زورلىعىنا ۇشىرادى. اناسىنىڭ ايتۋىنشا، كورشى بالانى الداپ ۇيىنە شاقىرىپ، وعان قاتىستى جىنىستىق ارەكەتتەر جاساي باستاعان. اناسى بەينەجازبادان بالانىڭ سول پودەزگە كىرگەنىن كورىپ، دەرەۋ ىزدەۋگە شىققان»، — دەلىنگەن جازبادا.
وقيعادان كەيىن بالانىڭ اناسى بىردەن پوليسياعا قوڭىراۋ شالىپ، حابارلاعانى اتاپ وتىلگەن. «ءبىراق ايەلدىڭ ايتۋىنشا، كەشە قىلمىستىق ءىس ايتەۋىر قوزعالماعان. كەشكە ول بۇل ەركەكتىڭ بوستاندىقتا ءجۇرىپ، پودەز ماڭىندا ءالى دە جۇرگەنىن كورگەن. بالا ونى كورىپ، قورىققان. بۇگىن اناسى قايتادان پوليسياعا بارىپ، تۇسىنىكتەمە تالاپ ەتتى: نەگە ەركەك بوستاندىقتا؟ نەگە ارىز ۋاقىتىندا قابىلدانبادى جانە نەگە قاجەتتى تەرگەۋ ارەكەتتەرى بىردەن جۇرگىزىلمەدى؟ سوندىقتان ماعان قۇقىق قورعاۋشى رەتىندە الماتى قالاسىنىڭ المالى اۋدانى پوليسياسىنا سۇراقتار تۋىندايدى: نەگە انانىڭ ارىزى ءبىرىنشى وتىنىشىنەن كەيىن بىردەن ءتيىستى تۇردە قابىلدانىپ، تىركەلمەدى؟ نەگە قاجەتتى تەرگەۋ ارەكەتتەرى دەرەۋ جۇرگىزىلمەدى؟ نەگە 9 جاسار بالاعا جىنىستىق زورلىق جاسادى دەپ حابارلانعان ەركەك ءقازىر بوستاندىقتا؟» — دەپ جازادى ءلاززات راقىشەۆا.
الماتى پوليسيا دەپارتامەنتى بۇل فاكتى بويىنشا سوتقا دەيىنگى تەرگەۋ جۇرگىزىلىپ جاتقانىن حابارلادى. «ازاماتتىڭ جەكە باسى انىقتالدى. قازىرگى تاڭدا قاجەتتى تەرگەۋ ارەكەتتەرى جۇرگىزىلۋدە، ونىڭ ناتيجەلەرى بويىنشا قازاقستان رەسپۋبليكاسىنىڭ زاڭناماسىنا سايكەس پروسەستىك شەشىم قابىلدانادى»، — دەلىنگەن پوليسيا حابارلاماسىندا.