الماتىدا 14 تامىزدا وتەتىن كانە ۋەستىڭ كونسەرتىنە 40 مىڭنان استام كورەرمەن جينالادى دەپ كۇتىلۋدە. وسىعان بايلانىستى مەگاپوليستىڭ پوليسياسى كۇشەيتىلگەن رەجيمگە كوشەدى، دەپ حابارلايدى infohub.kz سايتى.
الماتى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، ستاديونعا ۇيىمداسقان كىرۋ ءۇشىن ءۇش جاقتان 40 كىرەبەرىس قاراستىرىلعان. بيلەتتەردى تەكسەرۋ ساعات 16:00-دە باستالادى. كىرەر الدىندا تەكسەرۋ جۇرگىزىلەدى، اۋماققا تەك بيلەتى نەمەسە اككرەديتاسياسى بار كورەرمەندەر عانا وتە الادى.
«ءبىزدىڭ باستى مىندەتىمىز – كونسەرتكە كەلگەن ءاربىر ادامنىڭ قاۋىپسىزدىگىن قامتاماسىز ەتۋ. ءوز كىرۋ توبىڭىزدى الدىن الا انىقتاپ، پوليسيا قىزمەتكەرلەرىنىڭ، كۇزەت قىزمەتىنىڭ جانە ەرىكتىلەردىڭ نۇسقاۋلارىن ورىنداۋدى سۇرايمىز»، – دەدى تيمۋر نوگايبايەۆ.
كونسەرت كۇنى پوليسيا ستاديون مەن وعان ىرگەلەس اۋماقتى پاترۋلدەۋدى كۇشەيتەدى. ءىس-شارادان كەيىن كورەرمەندەرگە قوعامدىق كولىك جانە قوسىمشا شاتتلدار قامتاماسىز ەتىلەدى.
ەسكە سالايىق، بۇعان دەيىن پوليسيا ينتەرنەتتە الاياقتاردىڭ كونسەرتكە جوق بيلەتتەردى ساتىپ جاتقانىن حابارلاعان بولاتىن. كەيىن قۇقىق قورعاۋ ورگاندارى كانە ۋەستتىڭ جانكۇيەرلەرىنە بيلەت ساتىپ الۋ كەزىندە الاياقتاردىڭ قۇربانى بولماۋ جونىندە ۇسىنىستار جاسادى. الماتى اكىمدىگى 14 تامىزدا كونسەرتكە بايلانىستى قانداي كوشەلەردىڭ جابىلاتىنىن جاريالادى، سونداي-اق 32 اۆتوبۋستىڭ باعىتى وزگەرەتىنى بەلگىلى بولدى.