الماتى پوليسيا دەپارتامەنتىنىڭ رەسمي وكىلى سالتانات ازىربەك جاڭا ەرەجەلەر كۇشىنە ەنگەننەن كەيىن 65 جاستان اسقان جۇرگىزۋشىلەردى ءجيى توقتاتاتىنى تۋرالى تۇسىنىكتەمە بەردى، دەپ حابارلايدى infohub.kz.
ەسكە سالايىق، 25 تامىزدان باستاپ قازاقستان رەسپۋبليكاسىنىڭ «جول ءجۇرىسى تۋرالى» زاڭىنا وزگەرىستەر كۇشىنە ەنەدى. تۇزەتۋلەرگە سايكەس، 65 جاستان اسقان جۇرگىزۋشىلەر، سونداي-اق مۇگەدەكتىگى بار جۇرگىزۋشىلەر ەكى جىل سايىن مەديسينالىق تەكسەرۋدەن وتۋگە مىندەتتى.
سالتانات ازىربەك ەگدە جاستاعى جۇرگىزۋشىلەردى مەدتەكسەرۋدەن وتكەنىن تەكسەرۋ ءۇشىن ءجيى توقتاتاتىنىن ءتۇسىندىردى. «بۇل شەكتەۋ شاراسى ەمەس، بۇل ءبىزدىڭ ازاماتتارىمىزعا، ۇلكەن بۋىنعا دەگەن قامقورلىق. جاسى ۇلعايعان سايىن رەاكسيانىڭ ناشارلايتىنى، كوزدىڭ كورۋىنىڭ تومەندەيتىنى بەلگىلى. سوندىقتان وسى جاڭا ەرەجەگە سايكەس ەكى جىلدا ءبىر رەت مەديسينالىق كوميسسيادان ءوتۋ ماڭىزدى. كادىمگى جوسپارلى مەديسينالىق كوميسسيادان. بۇل ۇلكەن بۋىننىڭ قاتىسۋىمەن بولاتىن جول-كولىك وقيعالارىنىڭ الدىن الۋ»، — دەدى پوليسيا دەپارتامەنتىنىڭ وكىلى.
سالتانات ازىربەكتىڭ ايتۋىنشا، جولداعى تەكسەرۋلەر پاترۋلدىك ەكيپاجدار قىزمەت اتقارۋ بارىسىندا جۇمىس تارتىبىمەن جۇرگىزىلەدى. 65 جاستان اسقان جۇرگىزۋشىلەردى ارنايى توقتاتۋ بولمايدى. سونىمەن قاتار پوليسيا 65 جاستاعى جانە ودان ۇلكەن ازاماتتاردىڭ مەديسينالىق تەكسەرۋدەن ۋاقىتىلى ءوتۋى قاجەت ەكەنىن اتاپ ءوتتى.