1 قىركۇيەك قارساڭىندا الماتىداعى جول جاعدايى قۇقىق قورعاۋ ورگاندارىنىڭ ەرەكشە نازارىن تالاپ ەتەدى. مەگاپوليستىڭ تاس جولدارىندا قۇرىلىس جۇمىستارى ءالى اياقتالماعاندىقتان، پوليسيا كولىك جۇكتەمەسىنىڭ ايتارلىقتاي ارتۋىنا دايىندالۋدا، دەپ حابارلايدى infohub.kz.
الماتى قالالىق پد جول قاۋىپسىزدىگى باسقارماسىنىڭ باستىعى تيمۋر نوگايبايەۆ وڭىرلىك كوممۋنيكاسيالار قىزمەتىندە وتكەن بريفينگتە وقۋ جىلىنىڭ باسىندا بارلىق جول نىساندارى پايدالانۋعا بەرىلمەيتىنىن اتاپ ءوتتى. بۇل جۇرگىزۋشىلەر مەن جاياۋ جۇرگىنشىلەرگە قوسىمشا قيىندىقتار تۋعىزادى.
«جۇكتەمە، ارينە، وراسان زور بولادى. قيىلىستاردا جول قوزعالىسى قاۋىپسىزدىگىن قامتاماسىز ەتەتىن جاياۋ پاترۋلدەر شىعارىلادى. ءبىز ادامداردىڭ قيىلىستىڭ بوس ەمەس ەكەنىن، الدا كەپتەلىس ەكەنىن بىلە تۇرا، سوعان قاراماستان كىرىپ، كەپتەلىس تۋدىراتىنىن ءجيى كورەمىز. سوندىقتان مۇنداي قۇقىق بۇزۋشىلىقتار مەن كەپتەلىستەردىڭ الدىن الۋ ءۇشىن ءبىز مىندەتتى تۇردە پاترۋلدىك پوليسيا ناريادتارىن شىعارامىز»، — دەدى نوگايبايەۆ.
قالاعا كىرەتىن تاس جولدارعا — تالعار جانە قۇلجا تراكتىلەرىنە، سونداي-اق الماتى وبلىسىنىڭ قاراساي اۋدانى باعىتىنا ەرەكشە نازار اۋدارىلادى. وندا قوسىمشا پاترۋلدىك بەكەتتەر پايدا بولادى.
بۇل رەتتە باعدارشامداردىڭ جۇمىسىن تۇزەتۋ جوسپارلانباعان. الايدا، باسقارما باستىعىنىڭ ايتۋىنشا، قاجەت بولعان جاعدايدا كەزەكشى ءبولىم وپەراتورلارى جاعدايدى باقىلاۋ جانە پروبلەمالى قيىلىستاردا ترافيكتى جەدەل رەتتەۋ ءۇشىن بەينەباقىلاۋ جۇيەسىن پايدالانادى.