الماتىنىڭ بوستاندىق اۋدانىنداعى تۇرعىن ءۇي كەشەنىنىڭ اۋلاسىندا تۇندە پيروتەحنيكا اتىپ، جەرگىلىكتى تۇرعىن اكىمشىلىك قاماۋعا الىندى: سوت وعان جەتى تاۋلىك جازا تاعايىندادى. بۇل تۋرالى infohub.kz سايتى حابارلايدى.
NUR.KZء-تىڭ مەگاپوليس پوليسيا دەپارتامەنتىنە سىلتەمە جاساپ حابارلاۋىنشا، ءۇي تۇرعىندارى شۋعا شاعىمدانعان. حابارلاما ءتۇن ورتاسىندا ءتۇسىپ، وقيعا ورنىنا پاترۋلدىك پوليسيا كەلگەن.
«پيروتەحنيكا اتقان ەر ادامدى انىقتاپ، ۇستادىق. وعان قاتىستى ءۇش قۇقىقبۇزۋشىلىق قۇرامى بويىنشا، سونىڭ ىشىندە ۇساق بۇزاقىلىق ءۇشىن اكىمشىلىك ماتەريالدار تولتىرىلدى. سوت شەشىمىمەن ەر ادام جەتى تاۋلىككە اكىمشىلىك قاماۋعا الىندى»، — دەلىنگەن پوليسيا حابارلاماسىندا.
پوليسيا دەپارتامەنتى تۇرعىندارعا بەلسەندى ازاماتتىق ۇستانىمى مەن ۋاقتىلى بەلگى بەرگەنى ءۇشىن العىس ايتتى.
«ءدال وسىنداي وتىنىشتەردىڭ ارقاسىندا قۇقىقبۇزۋشىلىقتاردى جەدەل توقتاتۋعا مۇمكىندىك تۋىپ وتىر. ءتۇن — تىنىشتىق ۋاقىتى. پيروتەحنيكا بۇكىل ءۇيدىڭ مازاسىن الماۋى ءتيىس. اينالاڭىزداعىلاردى سىيلاپ، زاڭدى ساقتاڭىزدار»، — دەپ قوستى دپ-دا.
بۇعان دەيىن استانادا بىرنەشە ازامات پيروتەحنيكا اتقانى ءۇشىن جاۋاپكەرشىلىككە تارتىلعانى، ونىڭ ىشىندە ەكەۋى قاماۋعا الىنعانى حابارلانعان بولاتىن.