ەلوردادا ءبىر ايەل بالاسىنىڭ وقۋىنا بەرىلگەن راسسروچكانى جويىپ، اقشاسىن قايتارىپ الدى. بۇل تۋرالى infohub.kz سايتى حابارلايدى.
تۇتىنۋشىلاردىڭ قۇقىعىن قورعاۋ كوميتەتىنىڭ مالىمەتىنشە، بيىلعى جىلدىڭ ماۋسىم ايىنىڭ باسىندا ازاماتشا بالاسىنىڭ وقۋىنا 575 مىڭ تەڭگە كولەمىندەگى قاراجاتتى راسسروچكامەن تولەگەن. الايدا بالا ساباققا مۇلدەم كەلمەگەن، بىردە-بىر ساباققا قاتىسپاعان.
تۇتىنۋشى ورىنداۋشىعا اقشانى قايتارۋ تۋرالى وتىنىشپەن جۇگىنگەن. قۇجات شارتتا كورسەتىلگەن مەكەنجاي بويىنشا ۇيىم قىزمەتكەرىنە تاپسىرىلعان. سونىمەن قاتار، ايەل WhatsApp مەسسەندجەرى ارقىلى كومپانيا وكىلىنە وقۋدان باس تارتۋ نيەتى تۋرالى حابارلاعان. وعان باسقا كەڭسەگە بارىپ، بەلگىلەنگەن ۇلگىدەگى ءوتىنىشتى تولتىرۋدى ۇسىنعان، ول ونى ورىنداعان.
ۇسىنىلعان بلانك ءمان-جايدى، ونىڭ ىشىندە قىزمەت كورسەتىلمەگەنىن تولىق جازۋعا مۇمكىندىك بەرمەگەندىكتەن، تۇتىنۋشى سول كۇنى ورىنداۋشىعا تاپسىرىس حاتپەن اقشانى تولىق قايتارۋدى تالاپ ەتىپ، شاعىم جىبەرگەن.
ۋاقىتىلى ءوتىنىش جاسالعانىنا قاراماستان، اقشا زاڭدا بەلگىلەنگەن مەرزىمدە قايتارىلماعان، ال راسسروچكا بويىنشا مىندەتتەمەلەر جالعاسا بەرگەن. سونىمەن قاتار، شارتتا 30 كۇندىك قايتارۋ مەرزىمى كورسەتىلگەن، بۇل ايەلدىڭ پىكىرىنشە، ونىڭ ق ر زاڭناماسىندا كەپىلدەندىرىلگەن قۇقىقتارىن بۇزعان.
ماسەلە استانا قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ارالاسۋىنان كەيىن شەشىلگەن. قابىلدانعان شارالاردىڭ ناتيجەسىندە 575 مىڭ تەڭگە كولەمىندەگى راسسروچكا بويىنشا مىندەتتەمەلەر توقتاتىلعان، سەبەبى ءبىلىم بەرۋ قىزمەتتەرى ءىس جۇزىندە كورسەتىلمەگەن.
ماماندار قىزمەت كورسەتۋ شارتىن جاساۋ كەزىندە، اسىرەسە شارتتى بۇزۋ جانە اقشانى قايتارۋ شارتتارىن مۇقيات زەردەلەۋدى ۇسىنادى. داۋلى جاعدايلاردا جازباشا شاعىمدى ۋاقىتىلى جىبەرىپ، ونىڭ جىبەرىلگەنى مەن الىنعانى تۋرالى دالەلدەمەلەردى ساقتاۋ ماڭىزدى.