قازاقستان پرەمەر-ليگاسىنىڭ 2026 جىلعى ماۋسىمىنداعى 27-تۋرىندا «اقتوبە» ءوز الاڭىندا جەزقازعاندىق « ۇلىتاۋمەن» 2:2 ەسەبىمەن تەڭ وينادى. قوسىمشا ۋاقىتتا سوعىلعان گول عانا الاڭ يەلەرىن جەڭىلىستەن ساقتاپ قالدى، دەپ حابارلايدى infohub.kz سايتى.
ويىنداعى ەسەپ 17-مينۋتتا اشىلدى: «اقتوبەنىڭ» شابۋىلشىسى ارتۋر شۋشەناچيەۆ ءدال سوققىمەن ءوز كومانداسىن العا شىعاردى.
الايدا قوناقتار ءبىرىنشى تايم بىتپەي تۇرىپ ويىن بارىسىن وزگەرتتى. ءبىرىنشى تايمنىڭ باستى كەيىپكەرى باقداۋلەت ءزۇلفىقاروۆ بولدى: ول 23-مينۋتتا ەسەپتى تەڭەستىرىپ، 43-مينۋتتا دۋبل جاساپ، « ۇلىتاۋعا» ەسەپتە باسىمدىق اپەردى.
ەكىنشى تايمدا اقتوبەلىكتەر قايتا ويناۋعا تىرىستى، ءبىراق ماقساتىنا تەك ويىن سوڭىندا جەتتى. بەسىنشى قوسىمشا مينۋتتا تەمىرلان ەرلانوۆ دوپتى قارسىلاس قاقپاسىنا باعىتتاپ، الاڭ يەلەرىنە تەڭ ويىن اپەردى.
ويىن قورىتىندىسى بويىنشا «اقتوبە» 42 ۇپاي جيناپ، قازاقستان چەمپيوناتىنىڭ تۋرنير كەستەسىندە بەسىنشى ورىندا تۇر. « ۇلىتاۋ» 33 ۇپايمەن توعىزىنشى ساتىدا ورنالاسقان.
كەلەسى تۋردا اقتوبەلىك كلۋب 10 قازاندا سىرت الاڭدا سەمەيلىك «ەلىمايمەن» وينايدى. « ۇلىتاۋ» 11 قازاندا ءوز الاڭىندا كوكشەتاۋلىق «وقجەتپەستى» قابىلدايدى.