استانادا قازاقستاندىق جەكە كومپانيا «Alatau Advance Air Group Ltd.» قىتايلىق سەرىكتەسى – ەلەكترلىك تىك ۇشىپ-قونۋ اۋە تاكسيىن (eVTOL) شىعاراتىن AutoFlight كومپانياسىمەن بىرلەسىپ اۋە تاكسيدىڭ العاشقى دەمونستراسيالىق ۇشۋىن وتكىزدى، دەپ حابارلايدى infohub.kz.
كورسەتىلىمدە AutoFlight Prosperity ۇلگىسىندەگى eVTOL اپپاراتى قولدانىلدى. ول ءبىر ۇشقىش پەن بەس جولاۋشىعا ەسەپتەلگەن. اپپاراتتىڭ ماكسيمالدى جىلدامدىعى ساعاتىنا 200 كم-گە جەتەدى، ال ۇشۋ قاشىقتىعى 200 كم-گە دەيىن جەتەدى.
قاۋىپسىزدىك تالاپتارىن ساقتاۋ ماقساتىندا دەمونستراسيالىق ۇشۋ جولاۋشىسىز ءوتتى.
«استاناداعى اۋە تاكسيدىڭ دەمونستراسيالىق ۇشۋى – بۇل جەكە شارا ەمەس، قازاقستاندا قالالىق اۋە موبيلدىلىگىن ەنگىزۋ بويىنشا جۇيەلى جۇمىستىڭ ءبىر بولىگى... دەمو-ۇشۋلار سالانى جاڭا تەحنولوگيالاردى پراكتيكالىق ەنگىزۋگە كەزەڭ-كەزەڭمەن دايىنداۋعا مۇمكىندىك بەرەدى»، – دەدى جەكە كومپانيا «Alatau Advance Air Group Ltd.» باس ديرەكتورى سەرگەي حەگاي.
دەمونستراسيالىق ۇشۋدان كەيىن AutoFlight Prosperity اۋە تاكسيى استانادا وتەتىن «بولاشاق ويىندارى 2026» حالىقارالىق ءتۋرنيرىنىڭ ەكسپوناتتارىنىڭ بىرىنە اينالادى. 29 جانە 30 شىلدەدە اپپارات «بارىس ارەنا» ماڭىنداعى اشىق ەكسپوزيسيادا كورسەتىلەدى.
بۇعان دەيىن الماتىدان قوناەۆقا دەيىنگى اۋە تاكسي رەيسىنىڭ قۇنى 32 مىڭ تەڭگەنى قۇراۋى مۇمكىن ەكەندىگى حابارلانعان بولاتىن.