كۇلجا تراكتىسىنىڭ ءبىر بولىگىندە ورتاشا جوندەۋ جۇمىستارىنا بايلانىستى ۋاقىتشا جول قوزعالىسىنا شەكتەۋ ەنگىزىلەدى، دەپ حابارلايدى infohub.kz سايتى ەلوردا اكىمدىگىنە سىلتەمە جاساپ.
ياعني، 24 شىلدە ساعات 20:00-دەن 27 شىلدە ساعات 08:00-گە دەيىن بۇحتارما كوشەسىنەن قالا شەكاراسىنا دەيىنگى ۋچاسكەدە جول توسەمىن ورتاشا جوندەۋ اياسىندا اسفالتوبەتوننىڭ جوعارعى قاباتىن توسەۋگە بايلانىستى كەرى باعىتتاعى قوزعالىس ۇيىمداستىرىلادى.
جول قوزعالىسىنا قاتىسۋشىلاردى ۋاقىتشا قولايسىزدىقتاردى تۇسىنىستىكپەن قابىلداپ، ۋاقىتشا جول بەلگىلەرىنىڭ تالاپتارى مەن جىلدامدىق رەجيمىن ساقتاۋعا سۇرايمىز.
جوندەلىپ جاتقان ۋچاسكەدە ەسكەرتۋ بەلگىلەرى مەن مەردىگەر ۇيىم باسشىسىنىڭ بايلانىس اقپاراتى جازىلعان ستەندتەر ورناتىلادى. ءوز باعىتىڭىزدى الدىن الا جوسپارلاۋدى سۇرايمىز.