استانانىڭ جەڭىل رەلستى كولىگى (LRT) ءبىرىنشى تولىق ايدا 2،1 ملن جولاۋشى تاسىمالداپ، الماتى مەتروسىنىڭ كورسەتكىشىنەن از عانا قالىپ قويدى، دەپ حابارلايدى infohub.kz.
ماۋسىم ايى استانالىق جەڭىل رەلستى كولىكتىڭ العاشقى تولىق جۇمىس ايى بولدى. وسى ايدا LRT قىزمەتىنە 2،1 ملن جولاۋشى جۇگىندى. مۇنداي دەرەكتەردى ۇلتتىق ستاتيستيكا بيۋروسى كەلتىرەدى. جولاۋشى سانى بويىنشا استانا LRTء-سى الماتى مەتروسىنان ءسال عانا كەم ءتۇستى: سول كەزەڭدە الماتى مەتروسى 2،4 ملن ادامعا قىزمەت كورسەتكەن.
«الايدا LRTء-نىڭ جولاۋشى اينالىمى جوعارى بولدى. ماۋسىمدا ول 46،5 ملن جولاۋشى-كيلومەتردى قۇرادى، ال الماتى مەتروسىندا 34،9 ملن بولدى»، — دەيدى اناليتيكتەر. مۇنداي ايىرماشىلىقتى جەلىلەر ۇزىندىعىمەن تۇسىندىرەدى: LRT باعىتىنىڭ ۇزىندىعى 22،4 كم، ال الماتى مەتروسىنىڭ جەلىسى 13،4 كم. جولاۋشى اينالىمى تەك جولسانىن عانا ەمەس، جولاۋشىلاردىڭ ءجۇرىپ وتكەن قاشىقتىعىن دا ەسكەرەدى.
LRTء-نىڭ اۋەجايدان جاڭا تەمىرجول ۆوكزالىنا دەيىنگى ۋچاسكەسى 16 مامىردا ىسكە قوسىلدى. اشىلعان ساتتەن ماۋسىم اياعىنا دەيىن بۇل كولىك تۇرىمەن 3،2 ملن جولاۋشى پايدالاندى. ءبىر جارىم ايدا جولاۋشى تاسىمالىنان تۇسكەن كىرىس 503،1 ملن تەڭگە بولدى.