قازاقستان استاناسىندا جىلقىنىڭ ىستالعان ەتىن ارزان باعامەن ساتۋ سىلتاۋىمەن 31 ادامدى الداعان كاسىپكەرگە ۇكىم شىعارىلدى، دەپ حابارلايدى infohub.kz سايتى.
استانا پروكۋراتۋراسىنىڭ مالىمەتىنشە، ەر ادام Instagram مەن WhatsApp ارقىلى ازاماتتاردان الدىن الا تولەم الىپ، تاۋاردى جەتكىزۋ مىندەتتەمەسىن ادەيى ورىنداماعان.
ساتىپ الۋشىلاردى اداستىرۋ ءۇشىن ول بۇرىن ورىندالعان تاپسىرىستار مەن وڭ پىكىرلەردى پايدالانعان، ال تۇسكەن قاراجاتتى جەكە قاجەتتىلىكتەرىنە جۇمساعان.
قىلمىستىق ارەكەتتەر سالدارىنان 31 جابىرلەنۋشىگە 1،7 ملن تەڭگەدەن استام ماتەريالدىق شىعىن كەلتىرىلدى، دەپ اتاپ ءوتتى قاداعالاۋ ورگانىندا.
سوت ۇكىمىمەن زالالدى تولىق وتەۋىن ەسكەرىپ، وعان پروباسيالىق باقىلاۋ بەلگىلەي وتىرىپ، ەكى جىل سەگىز ايعا باس بوستاندىعىن شەكتەۋ جازاسى تاعايىندالدى. ۇكىم زاڭدى كۇشىنە ەنگەن جوق.
«استانا پروكۋراتۋراسى ازاماتتاردى الەۋمەتتىك جەلىلەر مەن مەسسەندجەرلەر ارقىلى ساتىپ الۋ كەزىندە ساق بولۋعا جانە تەكسەرىلمەگەن ساتۋشىلارعا الدىن الا تولەم رەتىندە اقشا اۋدارماۋعا شاقىرادى»، — دەلىنگەن قاداعالاۋ ورگانىنىڭ حابارلاماسىندا.