استانادا بىرنەشە اي بويى بۇرىنعى سەرىكتەسىن زاڭسىز قۋدالاعان ەر ادامعا قاتىستى ۇكىم شىعارىلدى، دەپ حابارلايدى infohub.kz سايتى.
استانا پروكۋراتۋراسىنىڭ مالىمەتىنشە، ەلوردا تۇرعىنى ءتورت اي بويى ايەلگە قوڭىراۋ شالىپ، حابارلاما جىبەرىپ، ونىڭ تۇرعىلىقتى جەرىنە كەلىپ، ءۇيىنىڭ جانىندا كۇتىپ تۇرىپ، بالاعاتتاعان. مۇنىڭ ءبارى قورعاۋ نۇسقاماسىنا قاراماستان جاسالعان. ناتيجەسىندە جابىرلەنۋشى ءوزى مەن كامەلەتكە تولماعان قىزى ءۇشىن ۇنەمى قورقىنىشتا بولدى، ونىڭ جەكە قاۋىپسىزدىك پەن قارىم-قاتىناس ەركىندىگىنە قۇقىعى بۇزىلدى.
مەملەكەتتىك ايىپتاۋشى سوتتالۋشىنىڭ كىناسىن دالەلدەدى. سوت وعان 100 ساعات قوعامدىق جۇمىس تاعايىندادى. ۇكىم زاڭدى كۇشىنە ەندى، دەپ حابارلادى پروكۋراتۋرا.
استانا پروكۋراتۋراسى ستالكينگ، ياعني ادامدى ونىڭ ەركىنە قارسى، زورلىق-زومبىلىقسىز، ءبىراق ەلەۋلى زيان كەلتىرگەن بايلانىس ورناتۋعا جانە/نەمەسە اڭدۋعا باعىتتالعان ارەكەتتەر ارقىلى زاڭسىز قۋدالاۋ 50 تاۋلىككە دەيىن قاماۋعا الۋعا دەيىنگى قىلمىستىق جاۋاپكەرشىلىككە اكەپ سوعاتىنىن ەسكە سالادى.