استانا زەينەتكەرلەرى قارتتار كۇنىنە وراي 11 مىڭ تەڭگەگە جۋىق اقشالاي كومەك الادى. بۇل تۋرالى ەلوردا اكىمدىگى حابارلادى، دەپ جازادى infohub.kz.
اقشالاي كومەك استانادا تىركەلگەن جاسى بويىنشا زەينەتكەرلەرگە جانە ەڭ تومەنگى زەينەتاقى الۋشىلارعا بەرىلەدى.
«الەۋمەتتىك كومەك كورسەتۋ قاعيدالارىنا سايكەس، ول 2،5 اەك (10،8 مىڭ تەڭگە) مولشەرىندە ءبىر رەتتىك اقشالاي تولەم تۇرىندە بەرىلەدى»، — دەپ ناقتىلادى جەرگىلىكتى بيلىك.
اكىمدىك «ازاماتتارعا ارنالعان ۇكىمەت» تىزىمدەرىنە سايكەس، تولەمدەر 110 مىڭنان استام ادامدى قامتيتىنىن قوستى.
ايتا كەتەيىك، 2024 جىلى قارتتار كۇنىنە وراي ءبىر رەتتىك اقشالاي تولەمدى 107 مىڭنان استام استانالىق العان بولاتىن. ول كەزدە دە تولەم 2،5 اەك مولشەرىندە ەدى. سونىمەن قاتار، قالا زەينەتكەرلەرىنە قالالىق جولاۋشىلار كولىگىنىڭ مارشرۋتتارىندا (تاكسيدەن باسقا) تەگىن ءجۇرۋ قاراستىرىلعان.
بۇعان دەيىن «كۋرسيۆ» جازعانداي، ەگدە جاستاعى قازاقستاندىقتار ءالى دە قارجىلىق شەكتەۋلەرگە تاپ بولادى. ءاربىر بەسىنشى زەينەتكەر ءتىپتى سالىستىرمالى تۇردە شاعىن كۇتپەگەن شىعىستاردى ءوز بەتىنشە كوتەرە المايدى، ال ۇشتەن بىرگە جۋىعى ۇيدەن تىس جەردە ءبىر اپتالىق دەمالىستى قارجىلاندىرا المايدى.