استانادا بازارداعى ساتۋشىلاردى جالعان تولەم چەكتەرىن كورسەتىپ الداعان 34 جاستاعى جەرگىلىكتى تۇرعىن ۇستالدى، دەپ حابارلايدى infohub.kz سايتى.
كۇدىكتى ادەيى ساۋدا نۇكتەلەرىن ارالاپ، ءوزىن قاراپايىم ساتىپ الۋشى رەتىندە كورسەتكەن. كوكونىس پەن جەمىس تاڭداپ الىپ، ءموبيلدى قوسىمشا ارقىلى اقشا اۋدارعان بولىپ، سودان كەيىن جالعان چەك كورسەتكەن. ساتۋشىلار اقشا شوتقا ءتۇستى دەپ ويلاپ، تاۋاردى بەرگەن.
بۇل ونىڭ الاياقتىق ارەكەتىنىڭ العاشقى ەپيزودى ەمەس ەكەنى انىقتالدى. بۇعان دەيىن دە كۇدىكتى وسى تاسىلمەن بىرنەشە ساتۋشىنى الداعان. ءقازىر ونىڭ باسقا دا وسىنداي قىلمىستارعا قاتىستىلىعى تەكسەرىلۋدە.
وسى فاكتى بويىنشا سوتقا دەيىنگى تەرگەۋ جۇرگىزىلۋدە.
پوليسيا ساتۋشىلار مەن كاسىپكەرلەرگە اقشانىڭ بانك شوتىنا ناقتى تۇسكەندىگى راستالمايىنشا، ساتىپ الۋشىعا تاۋاردى بەرمەۋگە كەڭەس بەرەدى.
«ەگەر ءسىز وسى ازاماتتىڭ زاڭسىز ارەكەتتەرىنەن زارداپ شەككەن بولساڭىز نەمەسە وسىنداي جاعدايعا تاپ بولساڭىز، دەرەۋ «102» كانالى ارقىلى حابارلاڭىز نەمەسە جاقىن ماڭداعى پوليسيا بولىمىنە جۇگىنىڭىز»، — دەدى پوليسيا قىزمەتكەرلەرى قازاقستاندىقتارعا.