15-17 قازان ارالىعىندا قازاقستان استاناسى جۇزۋدەن الەم كۋبوگىنىڭ كەزەڭىن — World Aquatics Swimming World Cup Astana 2026-نى العاش رەت قابىلدايدى، دەپ حابارلايدى infohub.kz سايتى.
بيىل حالىقارالىق ءجۇزۋ فەدەراسياسى (World Aquatics) الەم كۋبوگىنىڭ ءبىرىڭعاي باعىتى اياسىندا ەۋرازيانىڭ ءۇش قالاسىن — باكۋ، تاشكەنت جانە استانانى بىرىكتىردى. سەريا Silk Road Tour دەپ اتالدى. سەريانىڭ اشىلۋى 1-3 قازاندا باكۋدە وتەدى، ەكىنشى كەزەڭ 8-10 قازاندا تاشكەنتتە، ال تۋرنير 15-17 قازاندا استانادا مارەگە جەتەدى.
استاناداعى كەزەڭ باعدارلاماسىندا — 34 جەكە ديسيپلينا: ەرلەر مەن ايەلدەر اراسىندا 17-دەن. سونداي-اق سپورتشىلار ەرلەر، ايەلدەر جانە ارالاس ەستافەتالاردا سىنعا تۇسەدى.
ستارتقا الەمنىڭ جەتەكشى جۇزۋشىلەرى، ونىڭ ىشىندە وليمپيادا چەمپيوندارى مەن جۇلدەگەرلەرى، الەم چەمپيوناتتارىنىڭ مەدال يەگەرلەرى جانە قازىرگى الەم رەكوردشىلارى شىعادى.
بارلىعى Silk Road Tour-دىڭ ءۇش كەزەڭىنە 50-دەن استام ەلدەن 750-دەن اسا سپورتشى قاتىسادى دەپ كۇتىلۋدە. سەريانىڭ جالپى جۇلدە قورى الەمدىك رەكوردتار مەن باسقا دا جەتىستىكتەر ءۇشىن بونۋستاردى قوسپاعاندا، 1،2 ملن اقش دوللارىن قۇرايدى.