قازاقستاندا اۆتومەكتەپتەردىڭ ەسەبىن، وقۋ توپتارىن تىركەۋدى جانە جۇرگىزۋشىلىك كۋالىككە ەمتيحان قابىلداۋدى جەكە ۇيىمدارعا بەرۋ جوسپارلانباعان. الەۋمەتتىك جەلىلەردە تاراعان اقپارات شىندىققا جاناسپايدى، دەپ حابارلايدى infohub.kz سايتى.
تۇسىندىرمەگە سەبەپ بولعان — الەۋمەتتىك جەلىلەردە مەملەكەتتىك فۋنكسيالاردى جەكە مەنشىككە بەرۋ تۋرالى حابارلامالار. اتاپ ايتقاندا، اۆتومەكتەپتەردىڭ ەسەبى، وقۋ توپتارىن تىركەۋ جانە جۇرگىزۋشىلىك كۋالىك الۋ ءۇشىن ەمتيحان وتكىزۋ تۋرالى ءسوز بولعان.
دەزينفورماسيامەن كۇرەس ورتالىعى مۇنداي شارالاردىڭ قاراستىرىلمايتىنىن مالىمدەدى. بۇل فۋنكسيالاردى مەملەكەت اتقارا بەرەدى.
ءىىم دە اۆتوشكولداردىڭ ەسەبى مەن وقۋ توپتارىن تىركەۋ مەملەكەتتىك فۋنكسيالار بولىپ قالاتىنىن راستادى. ولار ۆەدومستۆونىڭ بالانسىنداعى «اۆتوشكولا» اقپاراتتىق جۇيەسى ارقىلى جۇزەگە اسىرىلادى. قۇقىقتىق نەگىزى «جول ءجۇرىسى تۋرالى» زاڭنىڭ 77-بابى بولىپ قالادى.
وسىلايشا، بۇل وكىلەتتىكتەردى جەكە ۇيىمدارعا بەرۋ جوسپارى جوق. قازاقستاندىقتاردى راستالماعان اقپاراتتى تاراتپاۋعا جانە مۇنداي مالىمدەمەلەردى رەسمي كوزدەردەن تەكسەرۋگە شاقىردى.
بۇعان دەيىن كۋرسيۆ اۆتو ءىىم اۆتوشكول وقۋشىلارىن بيومەتريا ارقىلى باقىلاعىسى كەلەتىنىن حابارلاعان.