دۇيسەنبى، 14 قىركۇيەكتە جاپونيادا ءوتىپ جاتقان ازيادا-2026 ويىندارىندا ەرلەر باسكەتبول ءتۋرنيرى جالعاسادى. كەزەكتى ماچتى قازاقستان قۇراماسى وتكىزەدى، دەپ حابارلايدى infohub.kz سايتى.
س توبىنىڭ ءۇشىنشى تۋرىندا الەكساندر لىسياك جاتتىقتىراتىن ۇلتتىق كوماندا باحرەينمەن كەزدەسەدى. ويىن 14 قىركۇيەكتە استانا ۋاقىتىمەن 06:00-دە باستالادى.
العاشقى ەكى تۋردا قازاقستاندىق باسكەتبولشىلار ءىرى ەسەپپەن جەڭىلىس تاپتى — قىتايدان (61:99) جانە فيليپپيننەن (78:109). كوماندا كۆارتەت كەستەسىنىڭ سوڭىندا تۇر، الايدا دۇيسەنبىدەگى جەڭىس پلەي-وففقا شىعۋ مۇمكىندىگىن ساقتاپ قالادى.
باحرەين قۇراماسى دا قىتايعا جول بەردى (59:105)، ءبىراق فيليپپينمەن ماچتا باسىم ءتۇستى (89:85).
ەرلەر باسكەتبول تۋرنيرىنە بارلىعى ءۇش توپقا بولىنگەن 12 كوماندا قاتىسادى. شيرەك فينالعا ءار كۆارتەتتەن ەكى ۇزدىك قۇراما تىكەلەي جولداما الادى. سونىمەن قاتار، ءۇشىنشى ورىن العاندار اراسىنان ەكى ۇزدىك كوماندا پلەي-وفف جولداماسىن يەلەنەدى.
وتكەن حانچجوۋ-2022 ازياداسىندا قازاقستاننىڭ ەرلەر باسكەتبول قۇراماسى توپتا ءۇشىنشى ورىن الىپ، شيرەك فينالعا شىعۋ ءۇشىن وتكەن ستىك ماچتاردا جەڭىلىس تاپقان بولاتىن.