بايقوڭىردا بوتەن م ۇلىكتى قاساقانا جويۋ تۋرالى قىلمىستىق ءىس قازاقستاننىڭ قۇقىق قورعاۋ ورگاندارىنا جىبەرىلدى، دەپ حابارلايدى infohub.kz سايتى.
«بايقوڭىر» كەشەنى پروكۋراتۋراسىنىڭ رەسمي Telegram-ارناسىندا جازىلعانداي، قاداعالاۋ ورگانى 46 جاستاعى جەرگىلىكتى تۇرعىنعا قاتىستى ماتەريالداردى ءارى قاراي تەرگەۋدى ۇيىمداستىرۋ ءۇشىن قالالىق پروكۋراتۋراعا جولدادى. ەر ادامدى رەسەي فەدەراسياسىنىڭ قىلمىستىق كودەكسىنىڭ 167-بابىنىڭ 2-بولىگىندە كوزدەلگەن قىلمىس — ورتەۋ ارقىلى بوتەن م ۇلىكتى قاساقانا جويۋ نەمەسە ءبۇلدىرۋ بويىنشا ايىپتايدى.
تەرگەۋ دەرەكتەرىنە سايكەس، اعىمداعى جىلدىڭ شىلدەسىندە ايىپتالۋشى مەن ونىڭ جۇبايى اراسىندا تۇرمىستىق جانجال بولعان. كوپقاباتتى ءۇيدىڭ اۋلاسىندا تۇرعان ەر ادام وكپەلەۋ سەزىمىمەن جۇبايلاردىڭ ورتاق مەنشىگىندەگى، نەكەدە ساتىپ الىنعان Chevrolet كولىگىن ورتەپ جىبەرگەن. قىلمىستىق ويىن جۇزەگە اسىرۋ ءۇشىن ول كولىك سالونىنا تۇتانعىش سۇيىقتىق قۇيىپ، سىرىڭكەمەن تۇتاندىرعان.
بۇل ارەكەتتەر كولىكتى قالپىنا كەلتىرۋ مۇمكىندىگىنسىز ايتارلىقتاي زاقىمداۋعا اكەپ سوقتى. م ۇلىك جۇبايلاردىڭ ورتاق مەنشىگىندە بولعاندىقتان، ازامات ءوز ارەكەتىمەن وتباسىنا 800 مىڭ رۋبلدەن استام، ياعني 4،2 ملن تەڭگە شىعىن كەلتىرگەن.
قىلمىستىق جاۋاپكەرشىلىككە تارتىلىپ وتىرعان ادام قازاقستان رەسپۋبليكاسىنىڭ ازاماتى بولعاندىقتان، قىلمىستىق ءىس قازاقستاندىق قۇقىق قورعاۋ ورگاندارىنا بەرىلدى.
قازاقستان رەسپۋبليكاسىنىڭ قىلمىستىق كودەكسىندە بۇل قىلمىس ءۇشىن ەڭ جوعارى جازا — جەتى جىلعا دەيىن باس بوستاندىعىنان ايىرۋ. ال ەگەر اتالعان ارەكەت ەرەكشە ءىرى شىعىن كەلتىرسە نەمەسە ابايسىزدا ادام ولىمىنە اكەپ سوقسا، باپتىڭ سانكسياسى ون جىلعا دەيىن باس بوستاندىعىنان ايىرۋدى كوزدەيدى.