بالا - ءومىر قىزىعى
بالا - ارتتا قالعان ءىز. ۇرپاق جاڭعىرتۋ، ارتتا ءىز قالدىرۋ - ادامزاتتىڭ جويىلىپ كەتپەۋىنىڭ بىردەن - ءبىر سەبەبى. سوندىقتان بۇگىنگى ۇرپاق - ەرتەڭگى بولاشاعىمىز. قىز بالا وتاۋ تىگىپ،شاڭىراق كوتەرگەن سوڭ ەڭ باستى ارمانى - ءسابي ءسۇيۋ. ءسابيدىڭ بىلدىرلاعان ءۇنى ءاربىر شاڭىراققا باقىت،قۋانىش اكەلەدى. سوندىقتان اتا - بابامىز: "بالالى ءۇي - بازار، بالاسىز ءۇي - قۋ مازار" - دەپ، بەكەر ايتپاعان. اتا - بابامىز بالا تاربيەسىنە ەرەكشە نازار اۋدارعان. قىزعا قىرىق ۇيدەن تىيىم سالىپ،ۇل بالانىڭ ەر ازامات،نامىسشىل بولىپ وسۋىنە ىقپال جاساعان. بۇگىنگى كۇنى بالا تاربيەسى ەڭ الدىمەن اتا- اناعا، بالاباقشاعا بارسا،تاربيەشىگە، ۇستازعا بايلانىستى. قۇس ۇياسىندا نە كورسە،ۇشقاندا سونى ىلەدى، بالا دا ءوزى تاربيەلەنىپ وتىرعان ورتادان نە ۇيرەنسە،بولاشاقتا سونداي بولادى. تاربيە - تال بەسىكتەن. سوندىقتان، قانداي تۇقىم سەۋىپ،قالاي كۇتىپ باپتاساق،سونداي جەمىس الامىز.
بالا - ەرتەڭگى ازامات نەمەسە ازاماتشا. ەلىمىزدە بالالار قۇقىعى زاڭمەن قورعالادى. كەز - كەلگەن بالا ورتا ءبىلىم الۋعا، اقىلى نەمەسە مەملەكەت بولەتىن گرانتپەن جوعارى ءبىلىم الۋعا، ءوزى قالاعان ماماندىق يەسى اتانۋعا، مەملەكەتتىك جۇمىسپەن قامتاماسىز ەتىلۋگە، اتا - اناسىنان ايرىلعان بالالار مەملەكەتتىك جاردەماقى الۋعا، بەلگىلى ءبىر قوعامدىق ورىنداردا جەڭىلدىكتەرگە يە بولۋعا (مىسالى،قوعامدىق كولىكتەردە تولەنەتىن جولاقى جەڭىلدىكتەرى ت.ب)،تەگىن مەديسينالىق كومەك الۋعا قۇقىلى.
بالالاردىڭ قۇقىعىن قورعاۋ ماقساتىندا "1 ماۋسىم - حالىقارالىق بالالاردى قورعاۋ كۇنى" دەپ جاريالانعان. بۇل مەرەكە ءاربىر جەردە اتالىپ وتىلەدى. بۇل كەزدە دەمالىسقا شىققان مەكتەپ وقۋشىلارى مەكتەپ لاگەرىنە شاقىرتىلادى. سونىمەن قاتار، بالالارعا ارنالعان ءتۇرلى مەرەكەلىك ءىس-شارالار، ويىندار وتكىزىلەدى. ءبىزدىڭ مەكتەپ قوس ءتىلدى (قازاق جانە ورىس) مەكتەپ بولعان سوڭ،بىزدەگى ءتۇرلى مەرەكەلىك ءىس - شارالار،ويىندار، لاگەر ەكى تىلدە وتكىزىلەدى. بالا ۇلتقا، ناسىلگە بولىنبەيدى. بارلىعى ءبىر اتقا يە: ول - بالا.
بالا ءتىلى - بال. ەرەسەك ادامدارعا قاراعاندا، بالالار ۇنەمى شىندىقتى ايتادى. اقىلدى، تاربيەلى، ءبىلىمدى بالا تاربيەلەۋ - اتا - انا مەن ۇستاز جەتىستىگى. ەل بولام دەسەڭ، بەسىگىڭدى تۇزە. سوندىقتان، جاقسى ۇرپاق تاربيەلەۋ - ەرتەڭگى بولاشاعىمىزدىڭ كەپىلى. بالالاردى قورعاۋ، ايالاۋ، جاقسى كورۋ - بار ادامزاتتىڭ مىندەتى.
You Might Also Like
-
ءبىر كاسىپكەر وڭتۇستىك افريكادان كولەمى جۇمىرتقاداي كەلەتىن الماز ساتىپ الىپتى. ساتىپ الىپ كەيىننەن قاراسا، الماز جارىق، ياعني كىشكەنە جارىلعان ەكەن. مۇنى كورىپ كوڭىلى ءتۇسىپ كەتكەن كاسىپكەر، نە ىستەر...
-
ەڭ ەرتە زاماندا حايۋاندار جىلدىڭ باسى بولۋعا تالاسىپتى. سوندا جىلقى ايتىپتى:
