Астананың «Барыс» хоккей клубы үш ойыннан тұратын үй сериясын Екатеринбургтің «Автомобилистіне» қарсы сенімді жеңіспен аяқтады – 4:1, деп хабарлайды infohub.kz сайты.
Кездесудің басында қонақтар басымдық танытты. Анатолий Голышев есеп ашар мүмкіндікке ие болды, бірақ қақпада Хантер Шеппардты алмастырған Андрей Шутовты ала алмады.
Бірінші кезеңнің ортасында «Барыс» өз ойынын тапты. Чейз Приски көк сызықтан жасаған соққысымен беларусьтік Лоренс Зинаддиннің қақпасын ашты – 1:0.
КОНТИНЕНТАЛДЫҚ ХОККЕЙ ЛИГАСЫ-2026/27
Шығыс конференциясы. 14 қазан
🏒 БАРЫС (Астана, Қазақстан) – АВТОМОБИЛИСТ (Екатеринбург, Ресей) 4:1 (1:0, 1:1, 2:0)
Голдар: Приски (Маккошен, Асетов) 10:13 (1:0), Каштанов (Денежкин, Клэг) 27:22 (1:1), Масси (Шестаков) 38:42-бол (2:1), Қайыржан (Приски, Бэйли) 49:30 (3:1), Өмірбеков (Пилон) 54:32 (4:1)
Екінші кезеңде командалар шайбаларымен алмасты. Артем Каштановтың голына Джейк Масси көпшілікте дәл солай жауап берді – 2:1.
Соңғы жиырма минутта Дінмұхамед Қайыржан таяқшасын бірінші голдың авторы Прискидің соққысының астына қойды. Кейін дәл солай автомобилист Кирилл Воробьев жасады, бірақ өз қақпасына. Автогол Әлихан Өмірбековтің есебіне жазылды – 4:1.
«Барыс» бес ойынның төртеуінде жеңіске жетіп, Шығыста үшінші орынға қайта көтерілді.
5 қыркүйекте басталған КХЛ тұрақты чемпионаты 2027 жылдың 20 наурызына дейін жалғасады. 22 команданың әрқайсысы 68 ойын өткізеді. Тұрақты чемпионат қорытындысы бойынша әр конференциядан 8 команда плей-оффқа қатысу құқығын алады.
Үш ойыннан тұратын үй сериясын аяқтаған «Барыс» КХЛ күнтізбесінің қырсығына байланысты тоғыз ойынды сырт алаңда өткізеді.