جاپونيادا ءوتىپ جاتقان X جازعى ازيا ويىندارىندا قازاقستاندىق اۋىر اتلەت بەكسۇلتان ايتباي 75 كەلىگە دەيىنگى سالماق دارەجەسىندە جەتىنشى ورىنعا تۇراقتادى، دەپ حابارلايدى infohub.kz سايتى.
جۇلقىلاۋ جاتتىعۋىندا قازاقستاندىقتىڭ ەكى ارەكەتى ءساتتى بولدى: بىرىنشىسىندە 132 كەلىنى، ۇشىنشىسىندە 135 كەلىنى كوتەردى. ەكىنشى جاتتىعۋ — سەرپىلۋدە ايتباي ءۇشىنشى ارەكەتىندە 177 كەلىنى تىركەدى. ال بولاشاق جۇلدەگەرلەر 195 جانە 200 كەلىدەن باستاعان.
قورىتىندى حاتتامادا قازاقستاندىق توعىز قاتىسۋشىنىڭ ىشىنەن جەتىنشى ساتىدان ورىن الدى.
ازيا ويىندارى-2026. 26 قىركۇيەك. اۋىر اتلەتيكا. ەرلەر. 75 كەلىگە دەيىن:
1. راحمات ەرۆين ابدۋللا (يندونەزيا) — 366 (160+206).
2. ۆيرافون ۆيچۋما (تايلاند) — 365 (160+205).
3. چون سون ري (كحدر) — 357 (162+195).
…7. بەكسۇلتان ايتباي (قازاقستان) — 308 (135+173).
قازاقستاندىق اۋىر اتلەتتەر ازيادا تاريحىنداعى مەدال سانى بويىنشا التىنشى ورىندا تۇر. التىن مەدالداردى ءار جىلدارى اندرەي ماكاروۆ (1994، 1998)، يليا يلين (2006، 2010)، سەرگەي كوپىتوۆ (1994)، ۆياچەسلاۆ نيۋ (1994)، باقىت احمەتوۆ (2002)، سەرگەي فيليمونوۆ (2002)، ۆياچەسلاۆ ەرشوۆ (2006)، ماييا مانەزا (2010)، سۆەتلانا پودوبەدوۆا (2010) جانە مارگاريتا ەليسەەۆا (2014) جەڭىپ العان.
X جازعى ازيا ويىندارى رەسمي تۇردە 19 قىركۇيەكتە اشىلدى جانە 4 قازاندا اياقتالادى. 45 ەلدىڭ سپورتشىلارى قاتىساتىن جارىستاردا 460 كومپلەكت مەدال ساراپقا سالىنۋدا. ازيادا-2026-دا قازاقستان قۇراماسىنىڭ ساپىندا 35 سپورت تۇرىنەن 558 سپورتشى سىنعا تۇسۋدە.
ويىنداردىڭ ءبىرىنشى كۇنى قازاقستاندىقتار ءتورت التىن مەدال جەڭىپ الدى. ويىندار چەمپيوندارى اتانعاندار: ۆەلوشاباندوزدار ريناتا سۇلتانوۆا مەن الەكسەي لۋسەنكو، سونداي-اق كاراتەشىلەر جولامان بيگابىل مەن سوفيا بەرۋلسەۆا. قۇراما قورجىنىنا بەسىنشى التىندى مما سايىسكەرى ەركىنعالي بۇركىتالين قوستى. التىنشىسىن — ارالاس جەكپە-جەكتەگى كوماندالاسى قادىربەك شىنبايەۆ. 23 قىركۇيەكتە لۋسەنكو اي-2026-نىڭ ەكى دۇركىن چەمپيونى اتاندى. سەگىزىنشى جوعارى سىناقتى 24 قىركۇيەكتە ەرلەر اراسىنداعى جۇپ ەسكەكتى قايىق جارىسىندا ۆلاديسلاۆ ياكوۆليەۆ پەن يۆان چەرنۋحين جەڭىپ الدى.
ويىنداردىڭ التى كۇنىنەن كەيىن قازاقستان بەيرەسمي مەدال ەسەبىندە ءتورتىنشى ورىندا بولدى.