قازاقستاندىق شاحماتشى بيبيسارا اساۋباەۆا سەن-تروپەدە وتكەن WR Women's Chess Tour 2026 بليس-تۋرنيرىندە كۇمىس جۇلدەگەر اتاندى، دەپ حابارلايدى infohub.kz.
فرانسياداعى جارىستا گروسسمەيستەر «ارماگەددون» بارىسىندا ۋكراينالىق ماريا مۋزىچۋكتى جەڭىپ شىعىپ، كەيىن نەمىس ەليزابەت پەتستى تىزە بۇكتىردى.
وسى ناتيجەلەردىڭ ارقاسىندا اساۋباەۆا فينالعا شىعىپ، وندا تاعى ءبىر ۋكراينالىق اننا مۋزىچۋكپەن كەزدەستى. شەشۋشى باسەكە قازاقستاندىق شاحماتشىنىڭ 1،5:2،5 ەسەبىمەن جەڭىلۋىمەن اياقتالدى.
وسىلايشا، اساۋباەۆا كۇمىس جۇلدەنى قانجىعالادى. ءبىر كۇن بۇرىن ول ءراپيد-تۋرنيردىڭ چەمپيونى اتانعان ەدى، ياعني شاحماتشى سەن-تروپەدە «التىن دۋبلگە» جەتە جازدادى.
«وسى ناتيجەلەردىڭ ارقاسىندا مەن بيىلعى جىلدىڭ قاراشا ايىندا گەرمانيادا وتەتىن فينالعا جولداما الدىم. تۋرنيرگە مەن اقش-تاعى Cairns Cup اياقتالعان سوڭ بىردەن ۇشىپ كەلدىم، سوندىقتان سوڭعى اپتالار وتە قارقىندى ءوتتى – كوپ شاحمات، ۇشۋلار جانە ەموسيالار»، – دەدى اساۋباەۆا ءوزىنىڭ Instagram-پاراقشاسىندا.
اقش-تاعى Cairns Cup-تا قازاقستاندىق شاحماتشى قولا جۇلدەگە يە بولدى.