قىرعىزستان استاناسىنداعى «بىشكەك-ارەنا» ستاديونىندا VI دۇنيەجۇزىلىك كوشپەندىلەر ويىندارىنىڭ سالتاناتتى اشىلۋ ءراسىمى ءوتتى. جيىنعا 50 مىڭنان استام كورەرمەن جينالدى، دەپ حابارلايدى infohub.kz.
شاراعا 17 مەملەكەتتىڭ پرەزيدەنتتەرى قاتىستى. قازاقستان تۋىن كوتەرۋ قۇرمەتى ۇلتتىق قۇراما كاپيتانى، كوكپاردان الەم چەمپيونى تۇرعانبەك قۇرمانبەككە جۇكتەلدى.
ويىنداردا قازاقستان قۇراماسىن 152 سپورتشى تانىستىرادى. 43 سپورت تۇرىنەن جارىستار 1 قىركۇيەكتە باستالىپ، ءۇش سپورت نىسانىندا جانە شولپوناتاداعى قىرشىن جايلاۋىندا وتەدى.
باعدارلاماعا كوكپار، كوك-بورى، قازاق كۇرەسى جانە باسقا دا ۇلتتىق ديسيپلينالار ەنگىزىلگەن. جارىستاردىڭ ءبىر بولىگى Qazsport تەلەارناسىندا تىكەلەي ەفيردە كورسەتىلەدى.
قازاقستان تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى رەسپۋبليكادا 11 ۇلتتىق سپورت ءتۇرى باسىم باعىتقا جات قىزىلىپ، وليمپيادالىق تۇرلەرمەن تەڭەستىرىلگەنىن ەسكە سالدى. ولار: قازاق كۇرەسى، توعىزقۇمالاق، كوكپار، اۋدارىسپاق، جامبى اتۋ، بايگە، تەڭگە ءىلۋ، قۇس سالۋ، اسىق اتۋ، ءداستۇرلى ساداق اتۋ جانە جەكپە-جەك.
بۇعان دەيىن قازاقستان پرەزيدەنتى قاسىم-جومارت توقايەۆ بىشكەكتە وتكەن VI دۇنيەجۇزىلىك كوشپەندىلەر ويىندارىنىڭ رەسمي اشىلۋ راسىمىنە قاتىسقانى حابارلانعان بولاتىن. ويىندار قىرعىزستاندا 31 تامىز بەن 6 قىركۇيەك ارالىعىندا ءوتىپ، وعان 100-دەن استام ەلدەن 3 مىڭعا جۋىق سپورتشى قاتىسۋدا.