قازاقستاننىڭ ءبىرىنشى راكەتكاسى الەكساندر بۋبليك اقش اشىق چەمپيوناتىنىڭ جۇپتىق جارىسىندا جەڭىسپەن باستادى، دەپ حابارلايدى infohub.kz.
قىتايلىق سزيۋنچەن شانمەن بىرگە قازاقستاندىق تەننيسشى ءبىرىنشى اينالىمدا ارگەنتينالىق سەباستيان باەس پەن ماجارستاندىق فابيان ماروجانمەن كەزدەستى. ماچ نەبارى ەكى سەتكە سوزىلىپ، 6:2، 6:4 ەسەبىمەن بۋبليك پەن شاننىڭ پايداسىنا اياقتالدى.
سپورتشىلار كورتتا 56 مينۋت وتكىزىپ، ءبىر ەيس جاسادى، قوسارلانعان قاتەلىك جىبەرمەدى جانە ءۇش برەيك-پوينتتى پايدالاندى.
ەكىنشى اينالىمدا بۋبليك پەن شان جاڭا زەلانديالىق فينن رەينولدس پەن دجەيمس ۋوتتتىڭ، سونداي-اق ارگەنتينالىق گيدو اندرەوسسي مەن فرانسۋز مانۋەل گيناردىڭ جۇبىنىڭ جەڭىمپازىمەن كەزدەسەدى. بۇل جۇپ جەتىنشى ءنومىرلى بولىپ تۇر.
سونداي-اق، US Open جۇپتىق جارىسىندا قازاقستاندىق اندرەي گولۋبيەۆ پەن الەكساندر نەدوۆەسوۆ دۋەتى دە ونەر كورسەتەدى.
ەسكە سالايىق، بۇعان دەيىن بۋبليك جەكە سىندا ءۇشىنشى اينالىمدا امەريكالىق توممي پولدان جەڭىلىپ، جارىستى اياقتاعان ەدى.