بيلەت اقشاسى
انام جانە اكەممەن سيرككە بيلەت الۋ ءۇشىن كەزەكتە تۇرعان ەدىك. سالدەن سوڭ كەزەگىمىز جىلجىپ بيلەت كاسساسىمەن ارامىزدا ءبىر عانا جانۇيا قالعان ەدى. بۇلاردىڭ 12 جاسقا جەتپەگەن 8 بالالارى بار ەدى. بارشىلىق ىشىندە ءومىر سۇرمەيتىنى جاعدايلارىنان بەلگىلى ەدى. ۇستەرىندەگى كيىمدەرى باعالى ەمەستى، ءبىراق تاپ-تازا ەدى. بالالار اكەسىنىڭ ارتىنان ەكى-ەكىدەن قول ۇستاسىپ، تاربيەلى تۇردە قاتارمەن تۇردى. جۇزدەرىنەن قۋانىش، قوبالجۋ سەزىمدەرى ءبىلىنىپ تۇردى. پىلدەردى كورەتىنىن، قىزىقتى، ەرەكشە نارسەلەر بولاتىنىن بىر-بىرىنە ايتىپ جاتتى. بۇرىن سوڭدى سيرككە بارماعاندارى سوزدەرىنەن ءبىلىنىپ تۇر. انالارىمەن اكەسى ماقتانىشپەن قول ۇستاسىپ ەڭ الدا تۇردى. كاسسير اكەگە قانشا بيلەت كەرەكتىگىن سۇرادى. اكە: «ەكى ەرەسەك بيلەتى جانە سەگىز بالالار بيلەتىن بەرىڭىز» دەدى.
كاسسير بيلەتتەردىڭ قۇنىن ايتقاندا اناسىنىڭ قولى اكەنىڭ قولىن جىبەرە سالدى. باسى سالبىراپ مۇڭايا ءتۇستى. اكەنىڭ ەرىندەرى دىرىلدەپ كاسسيرگە جاقىنداي ءتۇسىپ «قانشا دەدىڭىز؟» دەپ سۇرادى. كاسسير بيلەتتەردىڭ باعاسىن قايتالاپ ايتتى. ول كىسىنىڭ ونشالىقتى اقشاسى جوق ەدى. ەندى بالالارىنا بۇرىلىپ ولاردى سيرككە الىپ كىرەتىن اقشاسى جوق ەكەنىن قالاي ايتا الار ەدى؟..
اكەم مۇنى سەزىپ قالتاسىنان 20 دوللار شىعارىپ جەرگە ءتۇسىردى. اكەم جەرگە ەڭكەيىپ جاتىپ الگى كىسىنى ءتۇرتتى «كەشىرىڭىز مىنا اقشا قالتاڭىزدان ءتۇسىپ قالدى.» دەدى.
كىسى ءمان جايدى تۇسىنگەن ەدى. اكەمنىڭ كوزدەرىنە قاراپ تۇرىپ قالدى. اكەم جەردەن العان اقشانى ونىڭ قولىنا ۇستاتتى. ەرىندەرى دىرىلدەگەن كۇيى «راحمەت، كوپ كوپ راحمەت مىرزام. بۇل ءىسىڭىزدىڭ مەن جانە جانۇيام ءۇشىن ماڭىزى وتە زور» دەدى.
سيركتەن كەيىن اكەممەن ماشينامىزعا ءمىنىپ ۇيگە قايتقانىمىزدا قۋانىشىمىز بۇرىنعىدان دا ارتا ءتۇستى.
نازار اۋدار:
You Might Also Like
-
يت ادامعا شىن دوس جانۋار. دۇنيە جۇزىندە ءيتتىڭ نەشە اتاسىنىڭ ۇلى بار: بىرەۋى قورا، بىرەۋى ءۇي كۇزەتەدى، بىرەۋى مالشى ورنىنا مال باعادى، بىرەۋى اڭ، قۇس الىپ بەرەدى، بىرەۋلەرى، ءتىپتى، ات ورنىنا جەگىلىپ...
-
بۇرىنعى زاماندا نۇعىمان دەگەن ءبىر حان بولىپتى. ول حان بىرنەشە قاتىن السا دا بالا كورمەي، جارىم جاستان وتكەندە ءبىر ايەلى ەكىقابات بولىپ، ءبىر ۇل، ءبىر قىز تاۋىپتى.
